Read koho Đơs Crih 26 Bible Online

Đơs Crih 26 - koho bible

Đơs Crih 26

¹Jơnau Đơs Crih Dabit cih Ơ Yàng Jehôwa, dan dong tò añ, bơh añ neh lòt tòm bơta song ngan añ jê, Añ kung dòn kơnòm di Yàng Jehôwa ò gơlơnggac.

²Ơ Yàng Jehôwa, dong tò mơ lòng añ, Lòng nùs nhơm mơ nùs kơlôi añ jê.

³Bơh bơta kòñ gơboh kơ̆ dơn Kơnràñ dê ơn di đap mat añ. Mơ añ lơh lòt tòm bơta dòn song mơ Kơnràñ.

⁴Añ ò nggui bal mơ ală cau ơlă ơlai, Mơ añ kung ò lòt rê bal mơ ală cau ma blac.

⁵Añ gơjrañ kơuềng dê mpồl cau lơh bơta iơh bơsak, Ò bài nggui bal mơ ală cau jàñ bơsak.

⁶Ơ Yàng Jehôwa, añ rào tê añ jê tòm tŭ añ ò gơs glài, Mơ añ lòt gùt dar cơnòng duh khoai Kơnràñ dê.

⁷Ai jơnau đơs chò dờng dô bơta đơs chò ưnngài, Mơ yal wơl jơh ală broă crih crài Kơnràñ dê.

⁸Ơ Yàng Jehôwa, añ kòñ gơboh hìu la tiah Yàng ơm, Mơ tềng hơ̆ bơta gơklŏ Kơnràñ dê ơm gam sùm sùm.

⁹Dan bañ pơs sang hwềng soàn añ bal mơ ală cau glài, Kung bañ tơnlồi bơta kis añ bal mơ ală cau lơh gơhòr mhàm.

¹⁰Tê bol khai lơh bơta tồi glài iơh bơsak, Tê ma bol khai bềng lìu phan sa kwà.

¹¹Ai añ, añ cơnđòa lòt tòm bơta song ngan añ jê; Dan tơwài añ mơ nđàc di añ.

¹²Jơng añ ntào tòm tiah ring drik; Añ rơp jòng ro Yàng Jehôwa tòm mpồl jơnum dờng.