Read koho Đơs Crih 28 Bible Online

Đơs Crih 28 - koho bible

Đơs Crih 28

¹Jơnau Đơs Crih Dabit cih Ơ Yàng Jehôwa, añ hòi dan mơ Kơnràñ; Ơ pơnai lŭ añ jê, bañ sềt tồr di añ, Bơh dilah Kơnràñ ơm mŏ mŏ mơ añ. Gen añ gơlik gơs be ală cau mù tòm bơtô.

²Dan iat jơnau rac dan añ jê, Tòm tŭ añ hòi dan Yàng dong kòl añ, mơ añ pò tê añ jê wèt hơ tiah sàng goh ngan Kơnràñ dê.

³Dan bañ tă sang añ bal mơ ală cau iơh bơsak, La ală cau lơh bơta iơh bơsak; Bol khai đơs ring lơngai mơ cau gơp ƀòn he, Mơya tòm nùs gơs bơta blac pơrlồm.

⁴Dan Yàng tơm wơl bol khai in jat be broă bol khai dê, Jat be bơta iơh bơsak bơta lơh lòt bol khai dê; Dan tơm wơl bol khai in jat be broă tê bol khai neh lơh, Tơm wơl bol khai in di pal mơ glài bol khai dê.

⁵Tài bơh bol khai ò bài kơlôi bơh ală broă Yàng Jehôwa dê, Kung ò bài sơnơng bơh broă tê Kơnràñ lơh, Gen tàng Kơnràñ rơp tuh tơlup bol khai, ò bơtào bol khai tai.

⁶Pal jòng ro Yàng Jehôwa! Tài bơh Kơnràñ neh dòp jơnau rac dan añ jê.

⁷Yàng Jehôwa la bơta pràn kơldang mơ la khèl añ jê; Nùs añ neh dòn kơnòm di Kơnràñ mơ geh dong kòl; Tài behơ̆ nùs añ gơs hòn chò ngan, Mơ añ ai bơta đơs chò nàng ưnngài Kơnràñ.

⁸Yàng Jehôwa la bơta pràn kơldang làng bol Kơnràñ dê, La tiah kìng crŭ ring lơngai cau geh bong mơñà Kơnràñ dê.

⁹Ơ Yàng, dan dong klàs làng bol Kơnràñ dê; mơ ai lơngai sre brê Kơnràñ dê. Dan ê gàr mơ kơnđơt kơnđu bol khai jơl sùm sùm.