Read koho Đơs Crih 32 Bible Online

Đơs Crih 32 - koho bible

Đơs Crih 32

¹Jơnau Đơs Crih Dabit cih nàng bơto sồr Lơngai cau lơi in geh toh bơta tìs glài he dê, Mơ tồi glài cau lơi geh jơm ndơp.

²Lơngai cau lơi in Yàng Jehôwa ò kòp bơta iơh bơsak khai in, Mơ tòm hwềng nùs ò gơs bơta ma blac.

³Tòm tŭ añ ò yal glài añ jê, gen să jan añ lề lac, Mơ añ rơnđơh jơh ngai mho.

⁴Bơh ngai mơ mang tê Yàng dê klơn kơnjơ̆ hơđang añ; Bơta pràn añ jê gơhuc soat be kơnhai prang ro rañ. (Selah)

⁵Añ neh yal tơlik glài añ jê Yàng in, ò pồn bơta tồi glài iơh bơsak añ jê; Añ đơs lah: “Añ rơp yal ală bơta tìs glài añ jê Yàng Jehôwa in,” Gen Yàng neh toh bơta tồi glài añ jê.

⁶Bơh bơta hơ̆ lòi ală cau lơi dòn song ơn bơta hòi dan mơ Yàng tòm tŭ gơlòng bol glar, Tòm tŭ gơs dà kŏ gen gơ rơp ò tus di bol khai.

⁷Yàng la tiah kìng crŭ añ jê, Yàng sền gàr añ klàs di bơta bòl glar; Yàng ai jơnau driau hòn chò gòm gơrwàng añ mơ dong tă añ. (Selah)

⁸Añ rơp bơto sồr mê, sơnio mê in gùng pal lòt; Mat Añ rơp sền di mê mơ bơto dong kòl mê.

⁹Bañ lơh be ơseh hala alàng, la phan ò git jak, la ală cau pal ngui kèp mơ che sồng rgơi at bồ gơ, Dilah ò gen bol gơ ò ơm rềp mơ mê.

¹⁰Cau iơh bơsak gơs oă bơta jê sồt; Mơya cau lơi dòn kơnòm di Yàng, gen bơta kòñ gơboh kơ̆ dơn gòm gơrwàng cau hơ̆.

¹¹Ơ ală cau song ring, chò hòp mơ hòn chò tĕ tòm Yàng Jehôwa! Ơ ală cau gơs nùs song ngan, driau dờng mơ hòn chò tĕ!