Read koho Đơs Crih 33 Bible Online

Đơs Crih 33 - koho bible

Đơs Crih 33

¹Ơ ală cau song ring, hòn chò tĕ tòm Yàng Jehôwa! Bơta jòng ro di pal mơ cau song ngan.

²Ngui tĕ kơñi pĕ mơ jòng ro Yàng Jehôwa, Ngui tĕ kơñi rơs jơt che mơ đơs chò jòng ro Kơnràñ.

³Đơs chò tĕ Kơnràñ in dô bơta đơs chò pa, Mơ pĕ niam kơñi bal mơ jơnau ntas dờng.

⁴Bơh jơnau Yàng Jehôwa dê la song ngan, Jơh ală broă Kơnràñ lơh gơs la dô bă dòn song

⁵Kơnràñ kòñ gơboh bơta song ring mơ bơta song ngan; Plai ù bềng lìu bơta kòñ gơboh kơ̆ dơn Yàng Jehôwa dê.

⁶Ală tap trồ neh geh lơh gơs bơh jơnau Yàng Jehôwa dê, Jơh ală mpồl ling hơđang trồ neh geh lơh gơs bơh nhơm khồm bơh bơr Kơnràñ dê.

⁷Kơnràñ pơjum ală dà tòm dàlềng kung be ơn tòm khàr; Kơnràñ prap ală dà jrô tòm tiah prap lòi.

⁸Lòi jơh dunnia duh rngòt di Yàng Jehôwa, Lòi jơh ală cau ơm tòm dunnia rngòt rơm să di Kơnràñ!

⁹Bơh Kơnràñ đơs, gen phan gơlik gơs; Kơnràñ sồr, gen gơ ơm kơ̆.

¹⁰Yàng Jehôwa lơh bơta bơyai ală lơgar dê gơlik gơs ò kwơ, Kơnràñ lơh ală bơta rơndap tap sèng ală làng bol dê gơlik gơs roh lơm.

¹¹Bơta bơyai Yàng Jehôwa dê ơm kơ̆ sùm sùm, Ală bơta kơlôi sơnơng tòm nùs Kơnràñ dê gam jơl jơh ală rài.

¹²Lơgar lơi gơs Yàng Jehôwa lơh gơs Yàng Tom Trồ he, Làng bol lơi geh Kơnràñ sac rwah lơh gơs phan jơtài Kơnràñ dê, gen geh lơngai ngan!

¹³Yàng Jehôwa sền bơh đang trồ, Kơnràñ gŏ jơh tơl nă kòn mơnus.

¹⁴Bơh di tiah Kơnràñ nggui hơđang sơbàn, Kơnràñ sền sơwì jơh ală cau ơm tòm dunnia.

¹⁵Kơnràñ mòn nùs jơh ală cau, Sền sơwì jơh ală broă bol khai dê.

¹⁶Ò gơs cau bơtau lơi kơnòm di mpồl ling oă mơ geh dong klàs, Kung ò gơs cau ling lơi kơnòm di bơta pràn kơldang dờng mơ geh dong tă.

¹⁷Kơnòm di ơseh nàng geh pha lin rlau, hơ̆ la bơta gơn kơnòm ò kwơ, Mơ bơta pràn kơldang gơ dê kung ò rgơi dong klàs cau lơi ò.

¹⁸Ne, mat Yàng Jehôwa dê sền di cau duh rngòt di Kơnràñ, Mơ sền di cau gơn kơnòm di bơta kòñ gơboh Kơnràñ dê,

¹⁹Nàng dong tă hwềng soàn bol khai bơh di bơta chơt, mơ sền gàr bơta kis bol khai dê tòm tŭ jơgloh rung.

²⁰Hwềng soàn bol hi dê kơp gơn Yàng Jehôwa; Kơnràñ la bơta dong kòl mơ la khèl bol hi dê.

²¹Ngan, nùs bol hi dê chò hòp tòm Kơnràñ, Tài bơh bol hi dòn kơnòm di sơnđan sàng goh Kơnràñ dê.

²²Ơ Yàng Jehôwa, dan bơta kòñ gơboh kơ̆ dơn Kơnràñ dê ơm hơđang bol hi, Jat be bol hi gơn kơnòm di Kơnràñ.