Read koho Đơs Crih 47 Bible Online

Đơs Crih 47 - koho bible

Đơs Crih 47

¹Jơnau Đơs Crih kòn sau Kôra cih ai cau lam bồ đơs chò in ngui Ơ ală làng bol, tàp tê tĕ! Ai tĕ jơnau driau hòn chò mơ jòng ro Yàng Tom Trồ!

²Bơh Yàng Jehôwa la Bơtau Hơđang Rlau Jơh, la Bơtau pal duh rngòt; Kơnràñ la Bơtau dờng at bồ hơđang làm jơh plai ù.

³Kơnràñ lơh ală làng bol dòn duh bol hi, Mơ lơh ală lơgar dòn duh hơđơm jơng bol hi.

⁴Kơnràñ sac rwah phan jơtài bol hi in, Gơ la bơta jòng să Jakôp dê cau Kơnràñ kòñ gơboh. (Selah)

⁵Yàng Tom Trồ guh hơđang bal mơ jơnau driau chò hòp, Yàng Jehôwa guh hơđang bal mơ jơnau ntas kơlwòk.

⁶Đơs chò tĕ jòng ro Yàng Tom Trồ, đơs chò tĕ! Đơs chò tĕ jòng ro Bơtau at bồ bol hi, đơs chò tĕ!

⁷Bơh Yàng Tom Trồ la Bơtau at bồ làm plai ù; Ai tĕ jơnau đơs crih mơ đơs chò jòng ro Kơnràñ!

⁸Yàng Tom Trồ at bồ ală lơgar, Yàng Tom Trồ nggui di sơbàn sàng goh Kơnràñ dê.

⁹Ală cau ryŭ ryơm ală làng bol dê pơjum bal Mơ làng bol Yàng Tom Trồ Abraham dê. Bơh ală khèl plai ù dê la bal mơ Yàng Tom Trồ; Kơnràñ geh bơtào hơđang jơnhoa ngan!