Read koho Đơs Crih 48 Bible Online

Đơs Crih 48 - koho bible

Đơs Crih 48

¹Bơta đơs chò. Jơnau Đơs crih kòn sau Kôra dê Yàng Jehôwa la dờng, pal jòng ro ngan Tòm ƀòn dờng Yàng Tom Trồ bol hi dê. Mơ hơđang mơnơm sàng goh Kơnràñ dê.

²Mơnơm Siôn, jòng jơnhoa hàng mơnĕ ngan, Mơ la bơta hòn chò jơh ală cau in tòm làm plai ù, la tiah jơnhoa rlau jơh Saphôn dê, La ƀòn dờng Bơtau dờng rlau jơh dê,

³Digùl ală gơlang gơ dê Yàng Tom Trồ neh ràng tơlik să tòm Kơnràñ be dô bă tiah kìng crŭ kơ̆ cê.

⁴Gen ală cau bơtau pơjum bal, mơ bol khai lòt tus.

⁵Tòm tŭ bol khai gŏ ƀòn hơ̆ gen mơp dơl, Rngòt rngơt mơ ntoat dô.

⁶Tềng hơ̆ bol khai rơm să rngòt, Bol khai jê sồt ò gơkrơi be cau ùr jê deh.

⁷Yàng ngui càl đah mattơngai lik lơh bơcah ală ơhò Tarsi.

⁸Bơta bol hi neh kơno đơs gen neh gŏ Tòm ƀòn dờng Yàng Jehôwa Mpồl Ling dê, Hơ̆ la tòm ƀòn Yàng Tom Trồ bol hi dê; Hơ̆ la ƀòn dờng Yàng Tom Trồ bơtào kơ̆ gam sùm sùm. (Selah)

⁹Ơ Yàng Tom Trồ, tòm hìu duh khoai Kơnràñ dê Bol hi neh kơlôi bơh bơta kòñ gơboh kơ̆ dơn Kơnràñ dê.

¹⁰Ơ Yàng Tom Trồ, sơnđan Kơnràñ be bơta jòng ro Kơnràñ dê, jơl tus di tiah lồi dut plai ù dê. Tê ma Kơnràñ dê at bồ dô bă pha lin rlau.

¹¹Mơnơm Siôn chò hòp tĕ! Tài bơh ală bơta cahrña Kơnràñ dê, lòi ală kòn ùr Juda hòn chò tĕ!

¹²Lòt tĕ gùt dar Siôn, lòt tĕ gùt dar gơ, Kòp tĕ ală theng jơnhoa gơ dê,

¹³Sền sơwì tĕ di ală theng kơp gàr, lòt làm tĕ ală gơlang gơ dê, Tồ bol mê rơp yal wơl jơi bơtiàn rài tơnơ̆ in lah:

¹⁴“Do la Yàng Tom Trồ, la Yàng Tom Trồ bol hi dê gam sùm sùm ò lồi. Kơnràñ rơp tề lam bol hi gam sùm sùm.”