Read koho Đơs Crih 53 Bible Online

Đơs Crih 53 - koho bible

Đơs Crih 53

¹Jơnau Đơs Crih Dabit cih nàng bơto sồr. Ai cau lam bồ đơs chò in ngui jat sap đơs chò Mahalat Cau bơrngơl gơla đơs tòm nùs bol khai dê lah: “Ò gơs Yàng Tom Trồ.” Bol khai roh gơprah lơm, tìs tòm tồi glài iơh bơsak ngkòr ngkàc; Ò gơs cau lơi lơh bơta niam.

²Yàng Tom Trồ bơh đang trồ tơmềt sền kòn mơnus, Nàng lòng sền dilah gơs cau lơi jak chài, Jòi jat Yàng Tom Trồ hala ò.

³Jơh ală bol khai roh gơprah, bol khai gơlik kră kơldang ndròm bal, Ò gơs dô nă cau lơi lơh bơta niam, dô nă kung ò sơl.

⁴Ală cau lơh bơta iơh bơsak ò git wă sơl ơ? Bol khai sa loan làng bol Añ jê, ò gơkrơi be sa ƀañ, Mơ kung ò gơs tŭ lơi hòi dan mơ Yàng Tom Trồ sơl.

⁵Ne, bol khai rngòt rngơt ngan, tian gơs òhềt tŭ lơi gơs behơ̆, Bơh Yàng Tom Trồ rơp rsìh ntìng cau ò duh rngòt; Bol khai rơp kong ƀàssìl, bơh Yàng Tom Trồ neh sang lòi bol khai.

⁶Ôih, bơta dong tă Israel dê rơp tus bơh Siôn! Tòm tŭ Yàng Tom Trồ bơtào wơl làng bol Kơnràñ dê, Gen Jakôp rơp hòn chò mơ Israel chò hòp.