Read koho Đơs Crih 58 Bible Online

Đơs Crih 58 - koho bible

Đơs Crih 58

¹Jơnau Đơs Crih Dabit cih. Ai cau lam bồ đơs chò in ngui. Jat sap đơs chò “Bañ Tơnroh” Ơ ală cau gơs gơnoar pràn, ngan sơl, jơnau lơh nền bol mê la song ring sơl ơ? Ală bol mê cahrña kòn mơnus dô bă song ngan sơl ơ?

²Ò di, tòm nùs bol mê bơyai bơtào ală bơta tìs; Tê bol mê lơh bơta jàñ bơsak tòm plai ù.

³Cau iơh bơsak tìs nrah bơh tòm hìu kòn, Bol khai đơs blac mơ lòt tìs nrah bơh tòm tŭ pa deh.

⁴Bơta bih khih bol khai dê ò gơkrơi be bơta bih khih bơs dê; Bol khai be bơs tur tĭ tồr mơ sềt tồr,

⁵Nàng ò kơno ntas jơnau cau hòi pơndòm gơ, La cau jak ngan hòi pơndòm gơ.

⁶Ơ Yàng Tom Trồ, dan dơrpă sề tòm bơr bol khai; Ơ Yàng Jehôwa, dan tă tơlik gơnèng ală klìu triă brồ dam!

⁷Lòi bol khai kong roh thit be dà hòr, Lòi bol khai be ñhơt ro cau jă hơđang.

⁸Lòi bol khai be koat siar lơho roh thit, Be dô nă kòn rlơs cau ùr dê, ò gŏ mattơngai.

⁹Lài mơ tŭ ală glah mê dê òhềt kơno duh ồs lòng mơ lò, Gen dan Kơnràñ pơs tơlik bol khai, bulah lòng gam ris hala ồs gam sa!

¹⁰Cau song ring rơp chò hòp tòm tŭ gŏ bơta sal tê; Khai rơp rào jơng khai tòm mhàm cau iơh bơsak dê.

¹¹Cau rơp đơs lah: “Ngan gơs phan ƀàn cau song ring in; Ngan gơs Yàng Tom Trồ gam cahrña tòm ù.”