Read koho Đơs Crih 59 Bible Online

Đơs Crih 59 - koho bible

Đơs Crih 59

¹Jơnau Đơs Crih Dabit cih tòm tŭ Sol sồr cau kơp gàr hìu Dabit nàng tơnchơt khai. Ai cau lam bồ đơs chò in ngui. Jat sap đơs chò “Bañ Tơnroh” Ơ Yàng Tom Trồ añ jê, dan dong tă añ klàs di ală cau sò tơm di añ, Kung sền gàr añ bơh di ală cau bơtào tơngguh tòmdră di añ.

²Dan dong tă añ klàs bơh di ală cau lơh bơta iơh bơsak, Mơ dong klàs añ bơh di ală cau jak lơh gơtuh mhàm.

³Tian gơs tŭ do bol khai kơp mòc bơta kis añ jê, Ală cau gơnoar pràn chồl bơchồt tòmdră di añ. Ơ Yàng Jehôwa, ò di bơh bơta tìs glài hala tồi glài añ jê,

⁴Ò di bơh bơta tìs añ jê, bol khai ntoat rcang tòmlơh. Ơ Yàng, dan guh tus dong kòl añ, mơ sền gŏ!

⁵Ơ Jehôwa Yàng Tom Trồ Mpồl Ling dê, Kơnràñ la Yàng Tom Trồ Israel dê. Dan kah rngal nàng lơh glài jơh ală lơgar; Bañ pơlai dô nă cau lơi bơtào bơyai pơrlơ̆ dră lơh iơh. (Selah)

⁶Kòp mho bol khai rê wơl, ơlơu be so, Mơ lòt mòc òm tòm ƀòn dờng.

⁷Tềng hơ̆, bol khai ơluh ơhùm bơh bơr bol khai dê, Sơndồi bol khai kung be đào sồt, Bơh bol khai kơlôi lah: “Ñcau rgơi kơno taih?”

⁸Mơya, ơ Yàng Jehôwa, Kơnràñ ñŏ di bol khai; Kơnràñ dơñŏ tơnhial di jơh ală lơgar.

⁹Ơ Bơtau Pràn Kơldang añ jê, añ rơp kơp gơn Kơnràñ; Ơ Yàng Tom Trồ, bơh Yàng la theng kơ̆ cê añ jê.

¹⁰Yàng Tom Trồ añ jê rơp ai bơta kòñ gơboh kơ̆ dơn Kơnràñ dê mơ tus wă rò añ; Yàng Tom Trồ añ jê rơp ai añ in sền gŏ bơta pha lin rlau mơ ală cau sò tơm añ jê.

¹¹Bañ tơnchơt bol khai mo, rngòt làng bol añ jê mhar hŭi mòn; dan ai gơnap gơnoar Kơnràñ dê lơh bol khai wañ lơnggơh mơ tuh tơlup bol khai. Ơ Yàng Jehôwa la khèl đo bol hi dê.

¹²Tài bơh tồi glài bơr bol khai dê, hơ̆ la jơnau tòm sơndồi bol khai dê, Lòi bol khai kòl kup tòm bơta pơnhừ să bol khai dê, Tài bơh bơta srat rma mơ bơta blac bol khai đơs,

¹³Dan tơnroh bol khai tòm bơta gơjrañ dờng Kơnràñ dê, Dan tơnroh jơl tus di tŭ bol khai ò gam tai, Nàng cau rơp git lah Yàng Tom Trồ at bồ tòm Jakôp, jơl tus di tiah lồi plai ù. (Selah)

¹⁴Kòp mho bol khai rê wơl, ơlơu be so, Mơ lòt mòc òm tòm ƀòn dờng.

¹⁵Bol khai lòt yơng tềng do tềng ne nàng jòi phan sa, Dilah ò hòm gen bol khai ơlơu kung be so.

¹⁶Mơya añ rơp đơs chò bơh bơta pràn kơldang Kơnràñ dê; Tòm àng drim añ rơp đơs chò dờng bơh bơta kòñ gơboh kơ̆ dơn Kơnràñ dê. Bơh Kơnràñ la theng kơ̆ cê añ jê, La dô bă tiah kìng crŭ tòm ngai bòl glar añ jê.

¹⁷Ơ Bơtau Pràn Kơldang añ jê, añ rơp đơs chò jòng ro Kơnràñ, Bơh Kơnràñ la theng kơ̆ cê añ jê, ơ Yàng Tom Trồ, Kơnràñ la Yàng Tom Trồ ai añ in gŏ bơta kòñ gơboh kơ̆ dơn.