Read koho Đơs Crih 60 Bible Online

Đơs Crih 60 - koho bible

Đơs Crih 60

¹Jơnau Đơs Crih Dabit cih ai cau lam bồ đơs chò in ngui. Jat sap đơs chò sơnđan la Bơkào Lili Cơng Tàng. Khai cih tòm tŭ tòmlơh mơ làng bol Siri tòm Naharaim mơ tòm Sôba, mơ tòm tŭ Jôap rê wơl tơnchơt jơt bàr rbô nă cau Edôm tòm Thòng Boh Ơ Yàng Tom Trồ, Kơnràñ neh sang lòi bol hi, lơh gơprah ală dơrñang bol hi dê; Kơnràñ neh gơhào nùs; mơya tŭ do dan cèng bol hi rê wơl.

²Kơnràñ lơh ù in gơlơnggơr, lơh gơ in dàng; Dan lơh wơl niam ală tiah dàng gơ dê, bơh gơ tơrlah tơrlơm.

³Kơnràñ neh lơh làng bol Kơnràñ in kong bơta jê sồt bòl glar, Yàng ai bol hi ñô tơrnòm mơ lơh bol hi in bơñul.

⁴Kơnràñ neh ai dô nơm bồng bi ală cau in duh rngòt di Kơnràñ, nàng bol khai ràn tus tềng hơ̆ tồ klàs bơh di kam par cau sò tơm. (Selah)

⁵Bơta pha lin rlau tòm tê ma Kơnràñ dê, mơ ho wơl bol hi in, Tồ cau kòñ gơboh Kơnràñ dê rgơi geh dong tă!

⁶Yàng Tom Trồ neh ho pơgon tòm tiah sàng goh Kơnràñ dê lah: “Añ rơp hừh nùs mơ tòmpà ƀòn Sicem mơ tòmpà Thòng Sukôt.

⁷Galaat la bal mơ Añ, Manase kung bal mơ Añ; Epraim kung be la sơgơn lòs Añ jê. Juda be la gai gơnoar at bồ Añ jê.

⁸Lơgar Môap be la thao ƀàk um rào Añ jê; Tòm Edôm Añ sơrbì gơltau jă Añ jê hơđang lơgar Philistin tòm bơta pha lin rlau.”

⁹Ñcau rơp lam añ mut tòm ƀòn dờng kơ̆ cê? Ñcau rơp lam añ lòt tus hơ lơgar Edôm taih?

¹⁰Ơ Yàng Tom Trồ, Kơnràñ ò di sang lòi bol hi ò ơ? Ơ Yàng Tom Trồ, Kơnràñ ò tai lòt bal mơ ală mpồl ling bol hi dê nàng tòmlơh.

¹¹Dan Yàng dong kòl bol hi tòmdră mơ cau sò tơm, Bơh bơta dong kòl kòn mơnus dê la ò kwơ.

¹²Kơnòm di Yàng Tom Trồ bol hi rơp tòmlơh dô bă khin cha, Bơh să tòm Kơnràñ rơp jă trơm ală cau sò tơm bol hi dê.