Read koho Đơs Crih 64 Bible Online

Đơs Crih 64 - koho bible

Đơs Crih 64

¹Jơnau Đơs Crih Dabit cih tòm tŭ khai ơm tòm ƀlàng ngềt ngơt lơgar Juda dê Ơ Yàng Tom Trồ, dan iat jơnau rac ròc añ jê, Sền gàr bơta kis añ bơh bơta tơrngòt cau sò tơm dê.

²Dan pồn añ klàs di bơta bơyai ndơp ndơr cau iơh bơsak dê, Klàs di kai gơrmơ̆i cau lơh iơh dê.

³Bol khai tồl lơmpiat bol khai dê be cau tồl đào, Pơmong jơnau sràt bơtang be ală kam,

⁴Nàng bơh di tiah pồn ndơp bol khai pañ di cau wil tơl, Nisơna pañ di khai, ò rngòt dô êt lơi.

⁵Bol khai kơ̆ nùs jat bơta lơh nền iơh bơsak bol khai dê, Bol khai bơyai nàng pơt dă ndơp ndơr, mơ kơlôi lah: “Ñcau rgơi gŏ bol he taih?”

⁶Ñcau rgơi jòi bàn ală broă iơh bơsak bol he dê? Bol he neh kơlôi nền bơh kai gơrmơ̆i chài rgơi he dê. Bơta kơlôi sơnơng mơ nùs kòn mơnus dê la jrô ndơp.

⁷Mơya Yàng Tom Trồ rơp pañ mơ kam Kơnràñ dê di bol khai; Nisơna bol khai gơtìp jê sồt.

⁸Kơnràñ rơp lơh bol khai kong roh rui, tài bơh lơmpiat bol khai dê tòmdră mơ bol khai. Jơh ală cau lơi gŏ bol khai gen rơp rtơs bồ bơh bơta cù kìr.

⁹Gen jơh ală cau rơp rngòt; Bol khai rơp yal tơlik broă lơh Yàng Tom Trồ dê, Mơ kơlôi sơnơng bơh broă Kơnràñ neh lơh.

¹⁰Lòi cau song ring in geh hòn chò tòm Yàng Jehôwa, mơ kìng crŭ să tòm Kơnràñ! Lòi jơh ală cau gơs nùs song ngan rơp jòng să he!