Read koho Đơs Crih 75 Bible Online

Đơs Crih 75 - koho bible

Đơs Crih 75

¹Bơta Đơs Chò. Jơnau Đơs Crih Asap cih ai cau lam bồ đơs chò in ngui, jat sap đơs chò sơnđan la “Bañ Tơnroh” Bol hi ưnngài Yàng, ơ Yàng Tom Trồ; Bol hi ưnngài; tài bơh sơnđan Kơnràñ dê ơm rềp, Làng bol yal ală broă lơh crih crài Kơnràñ dê.

²Yàng đơs lah: “Tus di tŭ tơngai Añ lơh nền, Gen Añ rơp cahrña dô bă song ring.

³Tòm tŭ ù tiah gơlơnggơr bal mơ làng bol ơm hơđang ù. Hơ̆ Añ la Bơtau prap kơ̆ ală jrong gơ.” (Selah)

⁴Añ đơs mơ cau pơnhừ să lah: “Bañ jòng să,” Mơ Añ đơs mơ cau iơh bơsak lah: “Bañ pò ngke mê hơđang;

⁵Bañ pò ngke mê dê wèt hơ đah jơnhoa, Mơ kung bañ kơldang bồ mơ đơs dô bă sơrdă sơrdơu.”

⁶Bơh ò di bơh đah mattơngai lik hala đah mattơngai mut, Hala bơh tiah ngềt ngơt mơ tus hơ yò tơngguh khai ò;

⁷Mơya hơ̆ la Yàng Tom Trồ Bơtau lơh gơs bơta cahrña: Kơnràñ tơmù cau do mơ yò tơngguh cau ne.

⁸Bơh tòm tê Yàng Jehôwa gơs mơngàn tơrnòm gơlik kơmbuh, Tơrnòm hơ̆ neh crài ring, Kơnràñ êt hòr lik bơh gơ, mơ jơh ală cau iơh bơsak tòm ù rơp ñô tơrnòm hơ̆ tus di but mơngàn.

⁹Mơya añ rơp hòn chò gam sùm sùm. Kung rơp đơs chò jòng ro Yàng Tom Trồ Jakôp dê.

¹⁰Kơnràñ rơp koh ală ngke cau iơh bơsak dê, Ai ală ngke cau song ring dê rơp geh yò tơngguh.