Read koho Đơs Crih 82 Bible Online

Đơs Crih 82 - koho bible

Đơs Crih 82

¹Jơnau Đơs Crih Asap cih Yàng Tom Trồ ntào tòm mpồl jơnum Kơnràñ dê; Kơnràñ cahrña digùl ală yàng mơ đơs lah;

²“Ală bol mê rơp cahrña ò song ring, Mơ kơryơn di cau iơh bơsak jơl tus di tŭ lơi taih? (Selah)

³Gơwèt song ring tĕ di cau lơbơn lơño mơ cau kòn đòi; Cahrña tĕ dô bă song cau bòl glar in mơ cau dồn sa.

⁴Dong tă tĕ cau rƀah lơòi mơ cau siơ̆u siar, Dong tĕ bol khai klàs bơh di tê cau iơh bơsak.”

⁵Bol khai ò gơs bơta git jak, kung ò gơs bơta git wă sơl, Bol khai lơh lòt tòm bơta klam jơngo; jơh ală mơnàng plai ù gơlơnggơr.

⁶Añ đơs lah: “Bol mê la ală yàng, Jơh tơl nă bol mê la kòn klau Bơtau Hơđang Rlau Jơh dê.

⁷Bulah behơ̆, bol mê rơp chơt be kòn mơnus, Gơplơ̆ be ală cau kwang dờng.”

⁸Ơ Yàng Tom Trồ, dan guh, mơ cahrña dunnia, Bơh jơh ală làng bol gơrê bal mơ Kơnràñ.