Read koho Đơs Crih 84 Bible Online

Đơs Crih 84 - koho bible

Đơs Crih 84

¹Jơnau Đơs Crih Kòn Sau Kôra Cih Ai Cau Lam Bồ Đơs Chò In Ngui Mơ Kơñi Sơnđan La Gitit Ơ Yàng Jehôwa Gơnap Gơnoar Dờng Làm Jơh dê, Tiah ơm Kơnràñ dê la pal kòñ gơboh ngan!

²Hwềng soàn añ kơp kòñ tian gơs bòl glar ngan bơh tiah ơm Yàng Jehôwa dê; Nùs mơ poac să añ chò hòp đơs chò jòng ro Yàng Tom Trồ gam kis sùm.

³Ơ Yàng Jehôwa Gơnap Gơnoar Dờng Làm Jơh dê, la Bơtau añ jê mơ la Yàng Tom Trồ añ, Sềm rac jòi bàn dô bă tiah ơm, mơ sềm pơrbèt jòi geh dô nơm rsòn nàng deh kòn gơ, di cơnòng duh khoai Yàng dê.

⁴Lơngai cau lơi in geh ơm tòm hìu Yàng dê, Bol khai đơs chò jòng ro Yàng sùm. (Selah)

⁵Lơngai cau lơi in geh pràn kơldang tòm Yàng, Mơ nùs bol khai wèt hơ gùng lam tus hơ Siôn.

⁶Tòm tŭ lòt gan sơndiang ñìm rac, Bol khai lơh sơndiang hơ̆ gơlik tiah gơs dà cat, Mìu bồ sơnam kung jơm gòm gơ mơ dà.

⁷Bol khai lòt bơh bơta pràn kơldang sơlo gơbơtơl tai; Yàng Tom Trồ ală yàng dê rơp tơlik mat tòm Siôn.

⁸Ơ Jehôwa Yàng Tom Trồ Gơnap Gơnoar Dờng Làm Jơh dê, dan iat jơnau hòi dan añ jê; Ơ Yàng Tom Trồ Jakôp dê, dan ai tồr iat añ. (Selah)

⁹Ơ Yàng Tom Trồ, dan wèt sền khèl bol hi dê; Dan sền di mat cau kong bong mơñà Yàng dê.

¹⁰Bơh dô ngai tòm tiah ơm Yàng dê la niam rlau mơ dô rbô ngai tòm tiah ndai. Chan añ gơs cau kơp mpồng hìu Yàng Tom Trồ añ jê, la niam rlau mơ ơm tòm sàl cau iơh bơsak dê.

¹¹Bơh Jehôwa Yàng Tom Trồ la mattơngai mơ khèl; Kơnràñ ai bơta nđàc mơ bơta ryŭ ryơm; Yàng Jehôwa ò pơlai bơta niam lơi mơ ò ai cau lơi in lơh lòt dô bă song.

¹²Ơ Yàng Jehôwa Gơnap Gơnoar Dờng Làm Jơh dê, Lơngai cau lơi in dòn kơnòm di Kơnràñ!