Read koho Đơs Crih 87 Bible Online

Đơs Crih 87 - koho bible

Đơs Crih 87

¹Bơta đơs chò. Jơnau Đơs Crih kòn sau Kôra cih Kơnràñ neh bơt bơtào mơnàng ƀòn dờng hơđang mơnơm sàng goh.

²Yàng Jehôwa gơboh ală mpồng Siôn dê Rlau mơ jơh ală tiah ơm Jakôp dê.

³Ơ ƀòn dờng Yàng Tom Trồ dê, Ală bơta gơklŏ neh đơs bơh mê. (Selah)

⁴Digùl ală cau mòng git añ gen añ đơs bơh Rahap mơ Babilôn; Ne lơgar Philistin mơ Tirơ, bal mơ Ethiôpi. “Cau do neh deh tềng hơ̆,” bol khai đơs behơ̆.

⁵Cau rơp đơs bơh Siôn lah: “Cau do mơ cau ne neh deh tềng hơ̆.” Bơh să tòm Bơtau Hơđang Rlau Jơh rơp bơtào kơ̆ Siôn.

⁶Tòm tŭ Yàng Jehôwa cih khà ală làng bol, gen Kơnràñ cih lah: “Cau do neh deh tòm Siôn.” (Selah)

⁷Ală cau đơs chò mơ ală cau tòmya đơs lah: “Jơh ală hiòng lơngai añ jê ơm tòm mê.”