Read koho Đơs Crih 90 Bible Online

Đơs Crih 90 - koho bible

Đơs Crih 90

¹Jơnau hòi dan Môise la cau Yàng Tom Trồ dê Khoai Yàng Jehôwa, bơh rài do tus rài ne, Kơnràñ la tiah bol hi neh ơm.

²Lài mơ tŭ ală mơnơm òhềt gơs, Mơ Kơnràñ òhềt crơng gơs ù mơ lơgar dunnia, Bơh sơnròp jơl sùm sùm Yàng la Yàng Tom Trồ.

³Yàng tơnrê kòn mơnus tòm kơmbuh ù Mơ đơs lah: “Ơ ală kòn mơnus, rê wơl tĕ tòm ù.”

⁴Tài bơh, di đap Yàng dô rbô nam la kung be ngai òr neh rlau, Hala kung be dô jơ drơng mang.

⁵Yàng cèng pơrdô kòn mơnus; rài kis bol khai dê kung be dô bơta mpau, Bol khai kung be ñhơt geh tơlir wơl tòm àng drim.

⁶Tòm àng drim gơlì bơkào mơ tơlir niam, Tòm trồ mho gơ ro rañ.

⁷Bơta gơhào gơjrañ Yàng dê chu pơrguc bol hi, Bơta gơjrañ dờng Kơnràñ dê tơnroh bol hi.

⁸Yàng neh ơn ală bơta tồi glài iơh bơsak bol hi dê di đap Kơnràñ, Ală tồi glài ndơp ndơr bol hi dê di đap mat Kơnràñ.

⁹Jơh ală ngai tòm rài kis bol hi dê gơ lòt rlau tài bơh bơta gơjrañ dờng Kơnràñ dê, Ală sơnam bol hi dê gơ tus di lồi be nhơm tă.

¹⁰Rài kis bol hi dê tus di poh jơt sơnam. Hala dilah pràn kơldang gen tus di phàm jơt sơnam, Mơya jơh ală nam hơ̆ mìng la bòl glar mơ kalke, Bơh rài kis mhar jơh mơ bol hi sang rài.

¹¹Ñcau git kơlôi bơh gơnoar bơta gơhào gơjrañ Yàng dê taih? Ñcau git kơlôi bơh bơta gơjrañ dờng Kơnràñ dê gen rngòt di Kơnràñ taih?

¹²Dan Yàng bơto bol hi in git mbe kòp ală ngai tòm rài kis bol hi dê, Nàng nùs bol hi in gơlik gơs jak chài.

¹³Ơ Yàng Jehôwa, dan wèt sền di bol hi, bol hi gơn nđò jŏ taih? Dan nđàc sơngit di bol hi la cau duh broă Kơnràñ dê.

¹⁴Tòm àng drim dan ai bol hi in bơta hừh nùs bơh bơta kòñ gơboh kơ̆ dơn Yàng dê, Gen bol hi rơp chò hòp chò hòn tòm jơh rài kis bol hi dê.

¹⁵Dan Yàng ai bol hi geh chò hòp jat be ală ngai Yàng neh lơh bol hi in bòl glar, Jat be ală nam bol hi neh sền gŏ bơta iơh.

¹⁶Dan ràng tơlik ală broă lơh Yàng dê ală cau duh broă Kơnràñ in, Mơ ràng tơlik gơnap gơnoar gơklŏ Kơnràñ dê ală kòn sau bol khai in.

¹⁷Dan Yàng la Yàng Tom Trồ bol hi dê nđàc di bol hi, Mơ bơtào kơ̆ broă tê bol hi lơh; ngan, dan bơtào kơ̆ broă tê bol hi lơh.