Read koho Đơs Crih 96 Bible Online

Đơs Crih 96 - koho bible

Đơs Crih 96

¹Đơs chò tĕ dô bơta đơs chò pa Yàng Jehôwa in; Ơ jơh plai ù, đơs chò tĕ Yàng Jehôwa in.

²Đơs chò tĕ Yàng Jehôwa in mơ jòng ro sơnđan Kơnràñ; Kòp ngai bơto yal tĕ bơh bơta dong klàs Kơnràñ dê.

³Yal tơlik tĕ bơta gơklŏ Kơnràñ digùl ală lơgar, Yal tơlik ală broă crih crài Kơnràñ dê digùl jơh ală làng bol!

⁴Bơh Yàng Jehôwa la dờng ngan, mơ ngan pal geh jòng ro; Kơnràñ la pal duh rngòt rlau jơh mơ ală yàng ndai.

⁵Bơh jơh ală yàng ală làng bol dê la rùp ràk, Mơya Yàng Jehôwa neh crơng gơs ală tap trồ.

⁶Bơta jòng ro mơ bơta ryŭ ryơm ơm di đap Kơnràñ; Bơta pràn kơldang mơ bơta hàng mơnĕ ơm tòm tiah sàng goh Kơnràñ dê.

⁷Ơ ală jơi bơtiàn ală làng bol dê, jòng ro tĕ Yàng Jehôwa, jòng ro tĕ bơta gơklŏ mơ bơta pràn kơldang Yàng Jehôwa dê!

⁸Jòng ro tĕ bơta gơklŏ Yàng Jehôwa dê di pal mơ sơnđan Kơnràñ, Cèng tĕ phan ơn mơ mut tòm tiah ơm Kơnràñ dê!

⁹Soh tĕ phan sàng goh nàng duh khoai Yàng Jehôwa; Ơ jơh plai ù, rngòt rơm să tĕ di đap Kơnràñ!

¹⁰Đơs tĕ digùl ală lơgar lah: “Yàng Jehôwa at bồ! Ngan, dunnia geh bơtào kơ̆, ò gơs tŭ lơi wañ lơnggơh. Kơnràñ rơp cahrña ală làng bol dô bă ring bal.”

¹¹Lòi ală tap trồ chò hòp mơ lòi plai ù hòn chò, Lòi dàlềng mơ jơh ală phan ơm tòm dàlềng gơlik ntas nggồr dờng,

¹²Lòi ƀlàng sre mơ jơh ală phan tềng hơ̆ hừh hơh tĕ. Gen jơh ală chi che tòm dơr brê rơp đơs chò hòn chò

¹³di đap Yàng Jehôwa; bơh Kơnràñ lòt tus, bơh Kơnràñ tus nàng cahrña dunnia. Kơnràñ rơp cahrña dunnia mơ bơta song ring, mơ ngui jơnau song nàng cahrña ală làng bol.