Read koho Jơnau Pơnđik 27 Bible Online

Jơnau Pơnđik 27 - koho bible

Jơnau Pơnđik 27

¹Bañ jòng să bơh ngai hìng; bơh kòn ò git ngai hìng rơp gơlik gơs bơta lơi.

²Lòi tĕ cau ndai jòng ro kòn, bơr kòn ò di lơh behơ̆; lòi tĕ dô nă cau ơm bơdìh jòng ro kòn, sơndồi kòn bañ lơh.

³Lŭ kơnjơ̆ bràs kung kơnjơ̆ sơl; mơya bơta tơk òl cau bơrngơl gơla gen kơnjơ̆ rlau mơ bàr bơta hơ̆.

⁴Bơta gơjrañ dờng ngan la iơh rmơh, mơ tŭ gơjrañ be dà tơrlah bơtơt; mơya ñcau rgơi ntào jai di đap bơta gơjrañ mañ taih?

⁵Dô jơnau lah pơrhơng loh làng, niam rlau mơ bơta kòñ gơboh pồn ndơp.

⁶Cau bơyô lơh jê sồt, hơ̆ bơh nùs dòn song; ai bơta cum ƀô cau gơjrañ mañ dê la ma blac.

⁷Cau neh hòm jă sìng lơwe hơđơm jơng he; mơya bơta lơi bơtang kung gơlik lơngồt cau jơgloh tơhìr in.

⁸Cau nrah nring ngài mơ tiah ơm he dê, tòm toh be sềm par tềng do tềng dă ngài bơh rsòn gơ sơl.

⁹Mơñà mơ sơnơm ƀô bơlhu lơh chò hòp hwềng soàn in; jơnau bơto tơngkah bơh nùs bơyô đềt mềr kung niam lơnhơn behơ̆ sơl.

¹⁰Bañ sang lòi bơyô he, hala bơyô bèp he dê; tòm ngai gơlòng bòl glar bañ lòt tus hơ hìu oh mi he; Dô nă cau gơp ƀòn ơm rềp niam rlau mơ oh mi ơm ngài.

¹¹Ơ kòn, jak chài tĕ, mơ lơh niam nùs bèp, nàng bèp rgơi ho wơl mơ cau lơi neh bơtat bơtròh bèp.

¹²Cau jak chài gŏ lài bơta roh gơprah, gen jòi tiah kìng crŭ să he, ai cau tùl gơla kư̆ lòt gan, mơ kong bơta rung rài.

¹³Ai tĕ ào khai dê, bơh khai neh dòp leng ala cau crih mat; kup tĕ dô nơm phan ai bồ, bơh khai neh dòp leng ala cau ùr rềs àr bơrnàn in.

¹⁴Cau lơi guh gòñ ai jơnau đơs dờng ai lơngai cau bơyô he in, cau rơp kòp bơta hơ̆ la bơta srat rma.

¹⁵Dô nơm rbòng dà ñhat sùm tòm ngai mìu dờng, mơ dô nă cau ùr jak tòmpìt tòmhà, jơh bàr đah hơ̆ la ndròm bal.

¹⁶Cau lơi kơryan cau ùr hơ̆, ò gơkrơi be kơryan càl, mơ be tê ma sơmbat mơñà sơl.

¹⁷Lòs tồl sồt lòs, kung behơ̆ sơl khai lơh niam muh mat cau bơyô he.

¹⁸Cau lơi sền gàr chi ƀal, rơp sa plai gơ; mơ cau lơi duh broă cau tòm he ngan geh jòng ro.

¹⁹Muh mat triang tòm dà mbe lơi, nùs cau gơwèt mơ cau kung behơ̆ sơl.

²⁰Gar mat kòn mơnus ò tŭ lơi dil, kung be lơgar làng ƀồc mơ cìr jrô ò tŭ lơi bềng.

²¹Bơnhă lòng priă, glah lòng màh: ai bơta jòng ro lòng kòn mơnus.

²²Dilah kòn ngui rnai piah mơ piah cau bơrngơl gơla tòm mpal bal mơ kòi, gen bơta bơrngơl gơla khai kung ò lik bơh khai.

²³Pơnđơl pràn git tĕ bơta gơlik gơs mơ mpồl belàt kòn dê, mơ kơlôi rcang sền gàr mpồl kơnrồ kòn dê;

²⁴Bơh bơta pas sơm ò gam gơs sùm sùm, mơ sơgơn bơtau gam gơs jơl sùm sùm ơ?

²⁵Ñhơt ro neh roh thit, gen ñhơt tơlir hòn lik, mơ cau pơjum tơrgòm biap tòm mơnơm.

²⁶Sơnò belàt kòn ngui lơh ào jrùh kòn in, khà priă be dam ngui blơi ƀlàng sre.

²⁷Dà toh be dê gơs tơl lơh phan sa kòn in, cau tòm hìu nhă kòn in, mơ ròng siam ală dĭ ùr kòn dê.