Read koho Jơnau Pơnđik 29 Bible Online

Jơnau Pơnđik 29 - koho bible

Jơnau Pơnđik 29

¹Cau lơi kong lah pơrhơng sùm, gam kơldang bồ, rơp kong roh gơcoh nisơna, ò rgơi geh sơmbòi.

²Tòm tŭ cau song ring gơbơtơl oă, gen làng bol hòn chò; mơya tŭ cau iơh at bồ, làng bol rac ròc.

³Cau kòñ gơboh bơta jak chài lơh bèp khai in chò hòp; ai cau lơh yô mơ cau ùr dri tơlàr lơh roh gơprah phan mơna he dê.

⁴Cau bơtau kơnòm di bơta song ring mơ lơh lơgar bơtào kơ̆; mơya cau lơi dòp phan sa loă phà tơnroh gơ.

⁵Cau lơi rơmhòc cau ơm rềp mơ he, pơt dă di đap cơnđòa khai.

⁶Tòm tồi glài cau iơh gơs dô nơm dă, mơya cau song ring đơs chò hòn chò.

⁷Cau song ring git gơnoar pal dòp geh cau rƀah lơòi dê; ai cau iơh ò gơs dơngoh jak nàng ơn nùs tồr git wă.

⁸Cau dơñŏ tơnhial sing ồs nàng chu dô nơm ƀòn dờng; mơya cau jak chài lơh rài bơta gơjrañ.

⁹Dilah cau jak chài tòmlah mơ cau tùl gơla, bulah khai gơjrañ hala ñŏ, kung ò geh lơngap lơngai.

¹⁰Cau lơh gơtuh mhàm gơjrañ cau wil tơl; mơya cau song ngan prap gàr bơta kis khai.

¹¹Cau tùl gơla ràng tơlik bơta gơhào gơjrañ he; mơya cau jak chài lơh rài gơ mơ pồn prap gơ wơl.

¹²Dilah cau bơtau ơn tồr iat jơnau ma blac, gen ală cau duh broă khai gơlik gơs iơh bơsak.

¹³Cau rƀah rƀừp mơ cau rồn bơklơn cau gen tòmtìp bal; Yàng Jehôwa lơh àng mat jơh bàr đah.

¹⁴Cau lơi jat bơta song ngan mơ cahrña cau rƀah rƀừp, sơbàn rơp geh bơtào kơ̆ sùm sùm.

¹⁵Gai mơng mơ bơta lah pơrhơng ai gòi bơta jak chài; ai cau kơnòm să lòt gơlềng gơlàng lơh ƀàssìl mè khai in.

¹⁶Tŭ cau iơh gơbơtơl, gen tồi glài kung bơtơl sơl; mơya cau song ring rơp gŏ bơta gơplơ̆ gơpừ bol khai dê.

¹⁷Pù tơmàl tĕ kòn mê, gen khai rơp ai bơta ring lơngai mê in, mơ lơh hwềng soàn mê in geh hòn chò hừh hơh.

¹⁸Tiah lơi siơ̆u bơta gơtơnggŏ làng bol rơp gơlềng gơlàng; mơya cau lơi prap gàr bơta sồr lam geh lơngai lơngò ngan!

¹⁹Ò di ai jơnau đơs lơh glài tơmàl cau dĭ gơna; bulah khai wă wơng, khai kung ò ai tồr iat.

²⁰Kòn neh gŏ cau mhar ir tòm jơnau đơs he sơl? Dô nă cau tùl gơla gam gơs bơta gơn kơnòm rlau mơ khai sơl.

²¹Cau lơi gơwèt niam mơ cau dong broă he bơh tŭ khai gam kơnòm să, ngai tơnơ̆ rơp gŏ khai gơlik gơs kòn klau he dê.

²²Cau jak gơjrañ tơnggơs bơta tòmpìt tòmhà; mơ cau prap bơta gơjrañ tòm nùs tìs glài oă tai.

²³Bơta pơnhừ să cau dê rơp tơmù cau; mơya cau lơi gơs nùs pìn pơndêt să rơp geh jòng ro.

²⁴Cau lơi tòmpà phan bal mơ cau ntung kơñau gơjrañ hwềng soàn he; khai neh kơno jơnau srat să, mơ ò yal tơlik bơta lơi.

²⁵Bơta rngòt di kòn mơnus la pơt dă; mơya cau lơi dòn kơnòm Yàng Jehôwa gen geh bơta lơngap lơngai.

²⁶Oă cau dan bơta nđàc di cau bơtau; mơya bơta song ring cau dê tus bơh Yàng Jehôwa.

²⁷Cau rkwet rkwe lơh cù kìr cau song ring in; mơ cau lơh lòt song ngan lơh cù kìr cau iơh bơsak in.