Read koho Esai 11 Bible Online

Esai 11 - koho bible

Esai 11

¹Dô nơm sơmbut rơp cat lik bơh tơnggu Jese; dô nơm Ntê hòn bơh ryas gơ.

²Hwềng Yàng Jehôwa dê rơp ơm hơđang Kơnràñ, hơ̆ la Hwềng jak chài mơ git jak, Hwềng jak bơyai mơ gơnoar pràn, Hwềng git wă mơ duh rngòt di Yàng Jehôwa.

³Kơnràñ rơp chò hòp tòm bơta duh rngòt di Yàng Jehôwa. Kơnràñ ò cahrña jat bơta Kơnràñ sền mơ mat, hala lơh nền jat bơta tồr Kơnràñ kơno;

⁴mơya Kơnràñ ai bơta song ring nàng cahrña cau rƀah, mơ lơh nền dô bă song ring cau lơbơn niam in hơđang ù. Kơnràñ rơp pù lơh plai ù mơ dô nơm gai bơh di bơr Kơnràñ; mơ ai nhơm tă bơh sơndồi Kơnràñ mơ tơnchơt cau iơh bơsak.

⁵Bơta song ring rơp la che but gùt dar but Kơnràñ dê, mơ bơta dòn song rơp la che but gùt dar wĕ Kơnràñ dê.

⁶So rhau rơp ơm bal mơ belàt kòn, klìu sơmañ rơp bic bal mơ be kòn; kơnrồ kòn, klìu triă mơ klìu triă kòn ơm bal dô bă; dô nă kòn dềt rơp tề bol gơ.

⁷Kơnrồ me rơp sa bal mơ jơgơu; ală kòn dềt bol gơ dê rơp bic bal dô bă, klìu triă rơp sa rhe be kơnrồ.

⁸Kòn gam pô kơnhơl rềp di trồm bơs tiang lir, kòn dềt sang pô rơp ơn tê tòm trồm bơs tur.

⁹Gơ ò lơh jê, ò tơnroh cau lơi tòm jơh mơnơm goh Añ jê, bơh plai ù rơp bềng lìu bơta git jak bơh Yàng Jehôwa kung be dà bềng lìu dàlềng behơ̆ sơl.

¹⁰Tòm ngai hơ̆, ryas Jese dê rơp ntào kung be bồng bi ală làng bol in, ală lơgar rơp ràn tus mơ Kơnràñ, mơ tiah ơm Kơnràñ dê rơp geh gơklŏ.

¹¹Tòm ngai hơ̆, Yàng Jehôwa rơp pò tê Kơnràñ dê dô dơ̆ tai nàng dòp wơl mpồl làng bol gam wơl Kơnràñ dê, bơh di Asiri, bơh Ejiptơ, bơh Patros, bơh Ethiôpi, bơh Elam, bơh Sinar, bơh Hamat, mơ bơh di ală bồt pơlào tòm dàlềng.

¹²Kơnràñ rơp bơtào dô nơm bồng bi ală lơgar in, mơ rơp pơjum wơl ală cau Israel neh kòl sang lòi; Kơnràñ rơp tơrgòm wơl làng bol Juda neh gơprah gơpring bơh di poan đah plai ù.

¹³Bơta ƀoah gơjrañ Epraim dê rơp roh thit, cau sò tơm di Juda rơp kong tơnroh; Epraim rơp ò ƀoah gơjrañ di Juda, Juda kung ò gơjrañ kơuềng gơwèt mơ Epraim tai.

¹⁴Mơya bol khai rơp brồ tơm bơh hơđang ngkòi cau Philistin dê đah mattơngai mut; Bol khai lơh gơs dô bă bal nàng phà tòmpìt làng bol đah mattơngai lik. Bol khai rơp ơn tê tòmdră mơ Edôm mơ Môap, mơ cau Ammôn rơp dòn duh bol khai.

¹⁵Yàng Jehôwa rơp lơh soat kwil dàlềng Ejiptơ dê; Kơnràñ rơp pò tê ai càl duh hơđang hiòng dờng Ơphrat, Kơnràñ rơp cah is gơ gơlik poh nơm croh dà mơ lơh gơs dô nơm gùng cau rgơi tiă mơ jơng.

¹⁶Behơ̆ rơp gơs dô nơm gùng me bơh Asiri làng bol gam wơl Kơnràñ dê, kung be neh gơs làng bol Israel in, tòm tŭ bol khai lik bơh lơgar Ejiptơ sơl.