Read koho Jeremi 47 Bible Online

Jeremi 47 - koho bible

Jeremi 47

¹Do la jơnau bơh Yàng Jehôwa đơs mơ cau gơnoar hwơr Jeremi bơh cau Philistin, lài mơ tŭ Pharaôn òhềt brồ lơh Gaja.

²Yàng Jehôwa đơs be do: “Ne, ală ryà dà bơh đah đang gơtơngguh, rơp gơlik gơs hiòng dà tih, rơp ngŏ bam hơđang ù mơ ală phan hơđang ù, ngŏ bam ală ƀòn mơ làng bol ơm tòm hơ̆. Kòn mơnus rơp nggà driau, jơh ală làng bol tòm ù pơt wòl.

³Kơno ntas jơng ơseh ntoat, mơ ntas kong rơndeh tòmlơh nggồr ur ur, ală mè bèp ò wèt wơl sền kòn, bơh ală tê bol khai dê gơlik lơbơn òsô,

⁴Tài bơh ală ngai hơ̆ neh tus nàng tơnroh jơh làng bol Philistin Mơ tă tơlik bơh Tirơ mơ Sidôn Ală cau dong kòl ală cau gam wơl. Bơh Yàng Jehôwa tơnroh làng bol Philistin, Hơ̆ la ală cau gam wơl tòm bồt pơlào Kaptôr.

⁵Gaja rơp koah bồ tòm bơta ñìm rac; Askalôn ơm mŏ mŏ, Ơ ală làng bol gam wơl tòm ală thòng! Bol mê koh is poac he tus di tŭ lơi taih?

⁶Ơ đào Yàng Jehôwa dê, Gam nđò jŏ tai sồng mê rlô taih? Ơn să mê wơl tòm sơmprồm mê dê, Rlô tĕ, ơm mŏ mŏ tĕ.

⁷Tŭ Yàng Jehôwa neh ai gơnoar sồr, Gen mbe mê rgơi ơm mŏ mŏ taih? Bơh Kơnràñ neh lơh nền gơ in Tòmdră mơ Askalôn mơ tòmdră rò gah dàlềng.”