Read koho Ejekiel 26 Bible Online

Ejekiel 26 - koho bible

Ejekiel 26

¹Tòm nam jơt dùl, ngai dùl kơnhai hơ̆ dê gơs jơnau Yàng Jehôwa đơs mơ añ lah:

²“Ơ kòn mơnus, tài bơh Tirơ neh đơs bơh Jerusalem lah: ‘Ha ha! Mpồng dờng ală làng bol dê neh tơrlah rau! Ală mpồng gơ dê neh pò añ in; tŭ do gơ neh kòl tơnroh jơh hir mơ añ rơp geh gơbơtơl tai.’

³Gen tàng Jehôwa Yàng Tom Trồ đơs lah: ‘Ơ Tirơ! Do, Añ tòmdră mơ mê, mơ Añ rơp chồl oă lơgar tus tòmdră mơ mê, kung be ryà dàlềng gơrơndul khuh behơ̆ sơl.

⁴Bol khai rơp tơnroh ală dơrñang ƀòn Tirơ, mơ sòr tơrlah ală theng gơ dê; Añ rơp kwà jơh thul, lơh gơ in gơlik gơs dô nơm pơnai lŭ mpòl.

⁵Tòm gùl dàlềng, gơ rơp gơlik gơs dô bă tiah cau is ală bơtơng kup ka, Añ neh đơs rau, Jehôwa Yàng Tom Trồ đơs behơ̆. Khai rơp gơlik gơs phan ală làng bol in tòmpìt ai,

⁶ală kòn ùr gơ dê ơm tòm ƀlàng sre khai dê rơp kong tơnchơt bơh đào; gen bol khai rơp git Añ la Yàng Jehôwa.’

⁷Bơh Jehôwa Yàng Tom Trồ đơs be do: ‘Añ rơp cèng Nebukatnessar, bơtau Babilôn, bơtau ală bơtau dê, bal mơ ală ơseh, ală rơndeh lòs tòmlơh, ală cau ling hào ơseh, mơ dô mpồl ling gal ngan mơ pràn kơldang, bơh đah đang tus tòmdră mơ Tirơ.

⁸Kòn ùr bol mê dê ơm tòm ƀòn dờng khai rơp tơnchơt mơ đào, khai rơp bơt dô nơm dơrñang gơrwàng gùt dar tòmdră mơ mê, khai rơp bơt gùng kơh tòmdră mơ mê, mơ pò khèl tòmdră mơ mê.

⁹Khai rơp ngui phan gĕ tơrlah dơrñang ƀòn mê dê, mơ ngui mut pòng tơnlề jơh ală theng mê dê.

¹⁰Ơseh khai gal ngan tian gơs thul bol gơ jơm gòm mê. Ală dơrñang ƀòn mê dê gơlơnggơr bơh ntas ơseh tòmlơh, ntas rơndeh pơdiang phan, mơ rơndeh lòs tòmlơh tòm tŭ khai mut tòm ală mpồng dờng mê dê kung be cau mut tòm dô nơm ƀòn dờng gơs ală dơrñang neh tơrlah.

¹¹Jơng ală ơseh khai dê rơp jă hơđang jơh ală gùng mê dê; khai rơp ai đào tơnchơt làng bol mê dê, mơ ală jrong kơ̆ cê mê dê rơp gơpừ tòm ù.

¹²Bol khai rơp tòmpìt sơmbrơt phan mơna mê dê, phà kơñau ală phan kă bro mê dê; bol khai rơp pòng tơrlah ală dơrñang mê dê mơ phà tơnroh ală hìu niam mơnĕ mê dê, mơ tuh sang ală lŭ, chi, mơ thul ơmul mê dê tòm dàlềng.

¹³Añ rơp lơh ngềt ngơt jơnau đơs chò mê dê, mơ cau rơp ò tai kơno ntas ală kơñi pĕ mê dê tai.

¹⁴Añ rơp lơh mê in gơlik gơs dô pơnai lŭ mpòl, mơ mê rơp gơlik gơs dô bă tiah cau is ală bơtơng. Mê rơp ò gơs tŭ lơi geh bơt bơtào wơl; bơh Añ la Yàng Jehôwa neh đơs,’ Jehôwa Yàng Tom Trồ đơs behơ̆.”

¹⁵Jehôwa Yàng Tom Trồ đơs mơ Tirơ lah: “Ò di ală tiah rò gah dàlềng rơp gơlơnggơr tòm tŭ kơno ntas mê tơrlah tơrlơm, tòm tŭ ală cau kong sồt rmàñ ñìm rơnđơh, mơ bơta sreh tơnchơt lơh gơlik gơs digùl mê ò ơ?

¹⁶Gen jơh ală cau kwang bơtau at bồ rò gah dàlềng rơp mù bơh di sơbàn bol khai dê; hồ ală ào kwang bơtau mơ tă ală ồi ào jing bơka hàng mơnĕ bol khai dê. Bol khai rơp soh să tòm bol khai mơ bơta rngòt rngơt, bol khai rơp nggui tòm tiah, rơm să ò dơh, mơ rngòt rngơt bơh mê.

¹⁷Gen bol khai rơp ñìm rac bơh mê mơ đơs mơ mê lah: ‘Mbe gơlơh mê gơkòl tơnroh bơh dê ală dàlềng. Ơ ƀòn dờng geh tiơng pơnro, la dô bă tiah gơs gơnoar pràn hơđang dàlềng; mê bal mơ ală cau ơm tòm mê la cau lơh cau in rngòt rngơt hơđang ală tiah ù rañ rsơh!

¹⁸Tŭ do ală tiah bồt pơlào rơm să tòm ngai mê kong tơnroh, mơ ală bồt pơlào tòm dàlềng rngòt rngơt bơh bơta roh thit mê dê!’”

¹⁹Jehôwa Yàng Tom Trồ đơs be do: “Tòm tŭ Añ lơh mê in gơlik gơs dô nơm ƀòn dờng sang lòi srau gòi, kung be ală ƀòn dờng ò gơs cau ơm; tòm tŭ Añ ai ală tiah jrô dàlềng dê mơ ală dà dờng gơ dê bồr hơđang mê,

²⁰gen Añ rơp tơmù mê bal mơ ală cau mù tòm brong jrô, tus mơ làng bol yau òr. Añ rơp lơh mê in ơm sùm tòm tiah liah hơđơm ù, kung be ală tiah kong tơnroh bơh yau òr, bal mơ ală cau mù tòm brong jrô, mơ mê ò geh rê wơl ơm tòm ù tiah cau kis dê.

²¹Añ rơp cèng mê tus di tiah lồi dut dô bă rngòt rngơt ngan, mơ mê rơp ò gam tai. Cau rơp jòi mê mơya rơp ò gơs tŭ lơi jòi bàn mê tai,” Jehôwa Yàng Tom Trồ đơs behơ̆.