Read koho Ôse 12 Bible Online

Ôse 12 - koho bible

Ôse 12

¹Epraim ai bơta đơs blac, hìu Israel ai bơta blac pơrlồm mơ gơrwàng Añ; mơya Juda gam lòt bal mơ Yàng Tom Trồ, mơ prap gàr bơta dòn song mơ Bơtau Sàng Goh.

²Epraim ê càl, ngai mho ting jat càl đah mattơngai lik, mơ bơtơl oă bơta đơs blac mơ bơta iơh bơsak. Khai bơt bơtào bơta ho bal mơ Asiri, mơ pơyoa mơñà tus hơ Ejiptơ.

³Yàng Jehôwa lơh nền glài tòmdră mơ Juda, Kơnràñ rơp lơh glài Jakôp jat ală gùng dà khai dê, mơ tơm wơl khai in jat ală broă lơh khai dê.

⁴Tòm hìu kòn, khai at di kơndòl jơng bi khai dê, tòm tŭ dờng khai tòmpơt mơ Yàng Tom Trồ.

⁵Khai tòmpơt mơ cau gơnrơh mơ geh pha. Khai neh ñìm mơ dan bơta nđàc. Kơnràñ neh tìp khai tòm Betel mơ tòmbơhbơr mơ khai tềng hơ̆.

⁶Hơ̆ la Jehôwa Yàng Tom Trồ Gơnap Gơnoar Dờng, Sơnđan Kơnràñ la Yàng Jehôwa.

⁷Mơya, mê pal rê wơl hơ Yàng Tom Trồ mê dê, prap gàr bơta kòñ gơboh mơ bơta song ring, mơ gơn kơnòm sùm sùm di Yàng Tom Trồ mê dê.

⁸Cau kă bro ngui ală phan kơr ò song; khai kòñ gơboh bơta rồn bơklơn.

⁹Epraim neh đơs lah: “Añ neh pas gơs ngan rau, añ neh geh oă phan mơna rau. Tòm jơh ală bơta añ lơh nàng gơlik pas sơm, bol khai ò rgơi jòi bàn tòm añ dô bơta iơh bơsak, hala dô bơta tồi glài lơi.”

¹⁰Añ la Jehôwa Yàng Tom Trồ mê dê, la Bơtau neh cèng mê lik bơh lơgar Ejiptơ; Añ rơp lơh mê in ơm tai tòm ală sàl, kung be tòm ală ngai pơjum sa neh geh lơh nền.

¹¹Añ neh đơs mơ ală cau gơnoar hwơr, ai bol khai in oă bơta gơtơnggŏ, mơ kơnòm cau gơnoar hwơr Añ rơp cèng tus bơta tơnroh.

¹²Galaat bềng lìu bơta tồi glài, ngan bol khai rơp gơlik ò kwơ! Bol khai ơn ală kơnrồ dam tòm Gilgal. Ală cơnòng duh khoai bol khai dê ò gơkrơi be ală gơnru lŭ tòm gùng lơòr tòm ƀlàng sre.

¹³Jakôp dô tus tòm lơgar Aram; Israel ơm duh broă nàng geh bau, mơ ê belàt nàng geh bau ùr.

¹⁴Yàng Jehôwa ngui dô nă cau gơnoar hwơr nàng dong tă Israel klàs bơh Ejiptơ mơ kơnòm di dô nă cau gơnoar hwơr nàng sền gàr bol khai.

¹⁵Epraim geh ai bơta tòmdră sràt bơtang; gen tàng Yàng Jehôwa rơp tuh bơta tồi glài khai dê hơđang khai; mơ rơp tơm wơl bơta sền òsơp gơ dê.