Read koho Khà Làng Bol 33 Bible Online

Khà Làng Bol 33 - koho bible

Khà Làng Bol 33

¹Do la ală pah tòm gùng lòt ală cau Israel dê tòm tŭ bol khai neh lik lòt bơh di Ejiptơ jat ală mpồl hơđơm gơnoar at bồ Môise mơ Arôn dê.

²Jat jơnau gơnoar sồr Yàng Jehôwa dê gen Môise cih wơl ală pah tòm gùng lòt bol khai dê. Do la gùng lòt bol khai dê jat ală pah gơ dê:

³Ală cau Israel lik lòt bơh di Ramse tòm ngai jơt pram kơnhai dùl, la tơnơ̆ mơ ngai pơjum sa Lòt Gan. Bol khai lik lòt dô bă khin cha di đap mat jơh ală cau Ejiptơ,

⁴tòm tŭ ală cau Ejiptơ ơm tơp ƀồc ală kòn klau tơnhoa bol khai dê, la ală cau mơ Yàng Jehôwa neh tơnchơt digùl bol khai; bơh Yàng Jehôwa neh tơndùh bơta cahrña hơđang ală yàng bol khai dê.

⁵Ală cau Israel lik lòt bơh di Ramse mơ bơtào sàl ơm tòm Sukôt.

⁶Bol khai lik lòt bơh di Sukôt mơ bơtào sàl ơm tòm Etham, di gah nhàr ƀlàng ngềt ngơt.

⁷Bol khai lik lòt bơh di Etham, rê wơl hơ Phi Hahirôt, đah mattơngai lik Baal Jephôn, mơ bơtào sàl ơm rềp di Mikdôl.

⁸Bol khai lik lòt bơh di Phi Hahirôt mơ lòt gan dàlềng tus hơ ƀlàng ngềt ngơt, mơ tòm tŭ bol khai neh lòt gùng tòm pe ngai tòm ƀlàng ngềt ngơt Etham, bol khai bơtào sàl ơm di Marah.

⁹Bol khai lik lòt bơh di Marah mơ tus hơ Elim, tềng hơ̆ gơs jơt bàr croh dà cat mơ poh jơt tòm chi gòl, mơ bol khai bơtào sàl ơm tềng hơ̆.

¹⁰Bol khai lik lòt bơh di Elim mơ bơtào sàl ơm di gah Dàlềng Pơrhê.

¹¹Bol khai lik lòt bơh Dàlềng Pơrhê mơ bơtào sàl ơm tòm ƀlàng ngềt ngơt Sin.

¹²Bol khai lik lòt bơh di ƀlàng ngềt ngơt Sin mơ bơtào sàl ơm tòm Dôpka.

¹³Bol khai lik lòt bơh Dôpka mơ bơtào sàl ơm tòm Alus.

¹⁴Bol khai lik lòt bơh di Alus mơ bơtào sàl ơm tòm Rephidim, tềng hơ̆ ò gơs dà hùc làng bol in.

¹⁵Bol khai lik lòt bơh di Rephidim mơ bơtào sàl ơm tòm ƀlàng ngềt ngơt Sinai.

¹⁶Bol khai lik lòt bơh di ƀlàng ngềt ngơt Sinai mơ bơtào sàl ơm tòm Kiprôt Hathabah,

¹⁷Bol khai lik lòt bơh di Kiprôt Hathabah mơ bơtào sàl ơm tòm Hajerôt.

¹⁸Bol khai lik lòt bơh di Hajerôt mơ bơtào sàl ơm tòm Ritma.

¹⁹Bol khai lik lòt bơh di Ritma mơ bơtào sàl ơm tòm Rimmôn Pheres.

²⁰Bol khai lik lòt bơh di Rimmôn Pheres mơ bơtào sàl ơm tòm Lipna.

²¹Bol khai lik lòt bơh di Lipna mơ bơtào sàl ơm tòm Rissa.

²²Bol khai lik lòt bơh di Rissa mơ bơtào sàl ơm tòm Kehelatha.

²³Bol khai lik lòt bơh di Kehelatha mơ bơtào sàl ơm tòm mơnơm Sepher.

²⁴Bol khai lik lòt bơh di mơnơm Sepher mơ bơtào sàl ơm tòm Haradah.

²⁵Bol khai lik lòt bơh di Haradah mơ bơtào sàl ơm tòm Makhelôt.

²⁶Bol khai lik lòt bơh di Makhelôt mơ bơtào sàl ơm tòm Tahat.

²⁷Bol khai lik lòt bơh di Tahhat mơ bơtào sàl ơm tòm Terah.

²⁸Bol khai lik lòt bơh di Terah mơ bơtào sàl ơm tòm Mitka.

²⁹Bol khai lik lòt bơh di Mitka mơ bơtào sàl ơm tòm Hasmônah.

³⁰Bol khai lik lòt bơh di Hasmônah mơ bơtào sàl ơm tòm Môserôt.

³¹Bol khai lik lòt bơh di Môserôt mơ bơtào sàl ơm tòm Bene Jaakan.

³²Bol khai lik lòt bơh di Bene Jaakan mơ bơtào sàl ơm tòm Hôr Hakgitgat.

³³Bol khai lik lòt bơh di Hôr Hakgitgat mơ bơtào sàl ơm tòm Jôtbatha.

³⁴Bol khai lik lòt bơh di Jotbathah mơ bơtào sàl ơm tòm Abrônah.

³⁵Bol khai lik lòt bơh di Abrônah mơ bơtào sàl ơm tòm Ejiôn Geber.

³⁶Bol khai lik lòt bơh di Ejiôn Geber mơ bơtào sàl ơm tòm Kades, tòm ƀlàng ngềt ngơt Jin.

³⁷Bol khai lik lòt bơh di Kades mơ bơtào sàl ơm tòm mơnơm Hor, di nhàr lơgar Edôm.

³⁸Jat jơnau gơnoar sồr Yàng Jehôwa dê gen Arôn cau gơnoar ơn phan duh khoai lòt guh hơ mơnơm Hor, tềng hơ̆ khai chơt tòm ngai dùl kơnhai pram tòm nam dơ̆ poan jơt tơnơ̆ mơ tŭ ală cau Israel neh lik lòt bơh di Ejiptơ.

³⁹Arôn gơs dô rhiang mơ bàr jơt pe nam tòm tŭ khai sang rài hơđang mơnơm Hor.

⁴⁰Cau bơtau Kanaan at bồ Arat ơm đah đơm Kanaan neh kơno bơh ală cau Israel lòt tus.

⁴¹Bol khai lik lòt bơh di mơnơm Hor mơ bơtào sàl ơm tòm Jalmônah.

⁴²Bol khai lik lòt bơh di Jalmônah mơ bơtào sàl ơm tòm Phunôn.

⁴³Bol khai lik lòt bơh di Phunôn mơ bơtào sàl ơm tòm Ôbôt.

⁴⁴Bol khai lik lòt bơh di Ôbôt mơ bơtào sàl ơm tòm Iye Abarim, di nhàr lơgar Môap.

⁴⁵Bol khai lik lòt bơh di Iyim mơ bơtào sàl ơm tòm Dibôn Gat.

⁴⁶Bol khai lik lòt bơh di Dibôn Gat mơ bơtào sàl ơm tòm Almôn Diblathaim.

⁴⁷Bol khai lik lòt bơh di Almôn Diblathaim mơ bơtào sàl ơm tòm ală mơnơm Abarim rềp di Nebô.

⁴⁸Bol khai lik lòt bơh di ală mơnơm Abarim mơ bơtào sàl ơm tòm ală ƀlàng ring Môap di gah Jordan đah do Jerikô.

⁴⁹Tềng hơ̆, tòm ală ƀlàng ring Môap bol khai bơtào sàl ơm rò gah hiòng Jordan bơh di Bet Jesimôt tus hơ Abel Sittim.

⁵⁰Tòm ală ƀlàng ring Môap di gah hiòng Jordan đah do Jerikô Yàng Jehôwa đơs mơ Môise lah:

⁵¹“Yal tĕ ală cau Israel in mơ đơs mơ bol khai lah: Tòm tŭ bol mê tiă hiòng Jordan mơ mut tòm Kanaan,

⁵²ting bơtrơh jơh ală cau ơm tòm lơgar di đap bol mê. Tơnroh tĕ jơh ală rùp pac sềr mơ ală rùp ràk tŏ duh khoai bol khai dê, mơ tơnroh jơh ală tiah jơnhoa duh khoai bol khai dê.

⁵³Ai tĕ lơgar lơh gơs sre brê mơ ơm tơn tềng hơ̆ bơh Añ neh ai bol mê in lơgar lơh gơs sre brê.

⁵⁴Tă khà tòmpà tĕ lơgar jat ală mpồl hìu nhă. Ai tĕ sre brê dờng ală mpồl dờng in, mơ ai tĕ ală mpồl dềt in sre brê dềt. Pơnah lơi dờng bol khai tă khà mơ geh gen gơrê bal mơ bol khai. Tòmpà tĕ lơgar jat ală jơi bơtiàn ồng pàng bol khai dê.

⁵⁵Mơya dilah bol mê ò ting bơtrơh ală cau neh ơm tòm lơgar, ală cau mơ bol mê lòi ơm wơl tòm lơgar rơp gơlik gơs kung be lò tòm gar mat bol mê dê mơ kung be srồng srơp di wĕ bol mê dê. Bol khai rơp lơh bol mê in bòl glar kalke tòm lơgar mơ bol mê rơp mut ơm.

⁵⁶Mơ Añ rơp lơh gơwèt mơ bol mê jat be bơta Añ neh lơh nền nàng lơh di bol khai.”