Read koho I Tesalônika 3 Bible Online

I Tesalônika 3 - koho bible

I Tesalônika 3

¹Tài bơh ò jai gơn tai, gen tàng bol hi lơh nền ơm is wơl tòm Athen,

²mơ sồr Timôthe la oh mi bol hi dê, la cau duh broă Yàng Tom Trồ tòm Jơnau Niam Bơtau Krist dê, lòt nàng lơh oh mi in geh kơ̆ nền mơ chồl pơndòm bơta dòn oh mi dê,

³tồ ò gơs dô nă cau lơi lơnggơr bơh ală bơta jê sồt bòl glar hơ̆. Bơh să tòm oh mi git lah neh lơh nền lài bol he in kong bơta hơ̆.

⁴Tòm tŭ gam ơm bal mơ oh mi, bol hi neh yal lài oh mi in lah bol he pal kong jê sồt bòl glar tòm toh be neh gơlik gơs, mơ oh mi kung neh git behơ̆.

⁵Kung tài bơh hơ̆ añ ò jai gơn tai, gen tàng añ neh sồr Timôthe lòt, tồ git bơta dòn oh mi dê gơlik mbe lơi, rngòt cà ràk neh ơniai oh mi, mơ bơta kong bòl glar lơh broă bol hi dê gơlik gơs ò kwơ.

⁶Tŭ do Timôthe pa rê wơl bơh di oh mi, khai yal wơl bol hi in jơnau niam bơh bơta dòn mơ nùs kòñ gơboh oh mi dê. Mơ khai yal lah oh mi òs kơlôi kah bol hi dô bă niam ngan, jơh nùs kơp kòñ tòmtìp mơ bol hi, kung be bol hi jơh nùs kơp kòñ tòmtìp mơ oh mi sơl.

⁷Ơ oh mi, tài bơh hơ̆, tòm jơh ală bơta jê sồt bòl glar sơbơng roh bol hi dê, bol hi neh kơnòm dê bơta dòn oh mi dê mơ geh pơndòm pơniang.

⁸Bơh tòm tŭ do ngan bol hi kis, dilah oh mi ntào kơ̆ tòm Yàng.

⁹Mbe lơi bol hi rgơi tơl jơnau ưnngài Yàng Tom Trồ tài bơh oh mi, bơh jơh ală bơta hòn chò bol hi geh di đap Yàng Tom Trồ tài bơh oh mi taih?

¹⁰Ngai mơ mang bol hi jơh nùs hòi dan nàng geh tòmtìp mat mơ oh mi, mơ lơh bềng tơl tòm bơta siơ̆u siar bơta dòn oh mi dê.

¹¹Dan să tòm Yàng Tom Trồ la Bèp bol he dê, mơ Yàng Jesu la Yàng bol he dê, lam gùng bol hi in lòt tus hơ oh mi.

¹²Dan Yàng ai bơtơl oh mi in tơngkah tơngkañ nùs kòñ gơboh bal mơ gơp, bal mơ tơl nă cau, kung be bol hi gơwèt mơ oh mi sơl,

¹³tồ Kơnràñ lơh nùs oh mi in gơs kơ̆ nền tòm bơta sàng goh, ò gơs tiah geh lah pơrhơng di đap Yàng Tom Trồ la Bèp bol he dê, tòm tŭ Yàng Jesu la Yàng bol he dê tus wơl bal mơ jơh ală cau sàng goh Kơnràñ dê.