Read koho Jôsue 12 Bible Online

Jôsue 12 - koho bible

Jôsue 12

¹Do la ală cau bơtau tòm lơgar mơ làng bol Israel neh lơh alah, la ală lơgar đah mattơngai lik hiòng Jordan, bơh thòng Arnôn tus hơ mơnơm Hermôn, bal mơ ală tiah đah mattơngai lik Arabah dê:

²Sihôn la bơtau cau Amôr ơm tòm Hesbôn, mơ at bồ bơh Arôer, la tiah rò gah thòng Arnôn, mơ bơh digùl thòng ngài tus tơn hơ hiòng Jabok, la nhàr lơgar cau Ammôn dê, hơ̆ la nggùl lơgar Galaat dê.

³Mơ bơh Arabah tus hơ dàlềng đah mattơngai lik Kineret dê, mơ song di tiah Bet Jesimôt tus hơ Dàlềng Arabah dê, Dàlềng Chơt, đah đơm di jơng tiah mù kơh Pisgah dê.

⁴Mơ bơtau Ok lơgar Basan dê, la dô nă cau gam wơl bơh làng bol Rephaim, khai ơm tòm Astarôt mơ Edrei,

⁵mơ at bồ mơnơm Hermôn, Salekah, jơh lơgar Basan jơl tus hơ nhàr làng bol Gesur mơ Maakat, mơ hơđang nggùl lơgar Galaat tus hơ nhàr lơgar bơtau Sihôn tòm Hesbôn.

⁶Môise cau duh broă Yàng Jehôwa dê bal mơ làng bol Israel neh tòmlơh pha rlau mơ bol khai, mơ Môise cau duh broă Yàng Jehôwa dê neh ai lơgar bol khai dê cau Ruben, cau Gat mơ nggùl jơi bơtiàn cau Manase in lơh gơs sre brê tòm.

⁷Do la ală bơtau at bồ ală lơgar mơ Jôsue mơ làng bol Israel neh lơh alah đah mattơngai mut hiòng Jordan dê, bơh Baal Gat tòm thòng Liban tus hơ mơnơm Halak tiah guh hơ Seir. Jôsue ai lơgar bol khai dê cau Israel in nàng lơh gơs sre brê tòm, jat be bơta tòmpà ală jơi bơtiàn bol khai dê,

⁸tiah lơgar kơh mơnơm, tiah jơng mơnơm, tiah Arabah, tiah mù kơh, tiah ƀlàng ngềt ngơt, tiah Negep la lơgar làng bol Hetit, Amôrit, Kanaan, Pherijit, Hebit, mơ Jebusit:

⁹bơtau Jerikô, bơtau Ahi ơm rềp Betel,

¹⁰bơtau Jerusalem, bơtau Hebrôn,

¹¹bơtau Jarmut, bơtau Lakis,

¹²bơtau Eglôn, bơtau Gejer,

¹³bơtau Debir, bơtau Geder,

¹⁴bơtau Hôrmah, bơtau Arak,

¹⁵bơtau Lipna, bơtau Adulam,

¹⁶bơtau Makedah, bơtau Betel,

¹⁷bơtau Thapuah, bơtau Hepher,

¹⁸bơtau Aphek, bơtau Lasarôn,

¹⁹bơtau Madôn, bơtau Harsô,

²⁰bơtau Simrôn Merôn, bơtau Aksap,

²¹bơtau Thaanak, bơtau Megidô,

²²bơtau Kedes, bơtau Jôkneam tòm Karmel,

²³bơtau Dor tòm Naphôt Dor, bơtau Gôim tòm Gilgal,

²⁴bơtau Tirjah; jơh ală la pe jơt dùl nă cau bơtau.