Read koho Jôsue 15 Bible Online

Jôsue 15 - koho bible

Jôsue 15

¹Bơta tă khà jơi bơtiàn cau Juda in jat mpồl hìu nhă bol khai dê, mù hơ đah đơm nhàr lơgar Edôm dê, tus hơ ƀlàng ngềt ngơt Jin tòm tiah ngài rlau jơh đah đơm dê.

²Nhàr đah đơm bol khai dê bơh tiah lồi Dàlềng Chơt dê, bơh ù tiah rềp di gah kwil dàlềng wèt hơ đah đơm;

³gơ lòt lik hơ đah đơm bơh kơh Akrabim, lòt tơn tus hơ Jin mơ gan đah đơm Kades Barnea, tus tơn hơ Hesrôn, guh hơ Atda mơ gơrê wơl tus hơ Karka,

⁴gơ lòt tơn hơ Asmôn, lik hơ croh Ejiptơ mơ tus di tiah lồi di gah dàlềng gơ dê; hơ̆ la nhàr đah đơm bol mê dê.

⁵Nhàr đah mattơngai lik la Dàlềng Chơt tus di bơr hiòng Jordan. Mơ nhàr đah đang gơ bơh ù tiah di gah dàlềng di bơr hiòng Jordan

⁶guh tus hơ Bet Hôglah, mơ lòt tơn đah đang Bet Arabah mơ tus hơ Lŭ tòm Bôhan, kòn klau Ruben dê,

⁷mơ nhàr gơguh tus hơ Debir bơh Thòng Akôr mơ rê wơl đah đang tus hơ Gilgal, tòm toh di kơh Adummim ơm đah đơm thòng. Mơ nhàr gơ lòt tơn rò gah dà En Semes mơ lồi di En Rôgel.

⁸Bơh tềng hơ̆ nhàr gơguh tus hơ Thòng Ben Hinôm rò kơh đah đơm ƀòn dờng Jebusit (hơ̆ la Jerusalem). Bơh nhàr hơ̆ gơguh tus hơ bồ mơnơm tòm toh di thòng Hinôm dê, đah đang mattơngai mut, tus đah đang lồi di thòng Rephaim;

⁹Nhàr bơh bồ mơnơm hơ̆ tus di croh dà Nepthôah, mơ bơh tềng hơ̆ tus hơ ală ƀòn dờng mơnơm Eprôn dê mơ mù tus hơ nhàr Baalah (hơ̆ la Kiriat Jearim).

¹⁰Mơ bơh hơ̆ gơ lòt gùt dar đah mattơngai mut bơh Baalah tus hơ mơnơm Seir, lòt tơn hơ đah đang mơnơm Jearim (hơ̆ la Kesalôn), mơ mù tus hơ Bet Semes bơh Thimna.

¹¹Nhàr gơ lòt tus hơ kơh mơnơm đah đang Ekrôn, gen lòt wơl hơ đah Sikerôn, lòt gan rò gah mơnơm Baalah mơ tus hơ Japneel. Nhàr gơ lồi di dàlềng.

¹²Nhàr đah mattơngai mut lòt rò gah Dàlềng Dờng. Hơ̆ la nhàr lơgar gùt dar làng bol Juda jat ală mpồl hìu nhă bol khai dê.

¹³Jat be jơnau gơnoar sồr Yàng Jehôwa dê, gen Jôsue ai Kalep kòn klau Jephune in dô pơnah ù tiah digùl làng bol Juda la Kiriat Arba, hơ̆ la Hebrôn, (Arba la bèp Anak dê).

¹⁴Kalep ting bơtrơh bơh Hebrôn pe nă kòn klau Anak di la Sesai, Ahiman mơ Thalmai.

¹⁵Bơh tềng hơ̆ khai lòt tòmlơh mơ cau ơm tòm (Debir la Kiriat Sepher).

¹⁶Kalep đơs lah: “Cau lơi tòmlơh pha mơ Sepher mơ tòmpìt geh gơ, añ rơp ai khai in bau mơ kòn ùr añ jê.”

¹⁷Gen Ôtniel kòn klau Kenas, kòn bi Kalep dê, tòmpìt ai ƀòn hơ̆; behơ̆ Kalep ai Ôtniel in bau mơ Aksah kòn ùr khai dê.

¹⁸Tòm tŭ Aksah rê mơ Ôtniel, gen khai chồl Ôtniel dan mơ Kalep dô bă ƀlàng sre. Tòm tŭ Aksah mù bơh alàng khai dê, Kalep lùp khai lah: “Ñchi kòn kòñ taih?”

¹⁹Khai ho lah: “Dan bèp ai kòn in dô nơm phan pà; tài bơh bèp neh ai kòn in ù tiah tòm tiah Negep gen kung dan ai kòn in ală croh dà tơn.” Gen Kalep ai khai in ală croh dà hơđang mơ hơđơm.

²⁰Do la sre brê ală jơi bơtiàn cau Juda dê jat kòp mpồl hìu nhă bol khai dê.

²¹Ală ƀòn dờng gơrê mơ jơi bơtiàn Juda dê ơm lồi tiah Negep wèt hơ nhàr Edôm dê la: Kapseel, Eder, Jagur,

²²Kinah, Dimônah, Adadah,

²³Kedes, Itnan,

²⁴Jip, Telem, Bealôt,

²⁵Hajor Hadathah, Kiriôt Hesrôn (hơ̆ la Hajor),

²⁶Amam, Sema, Môladah,

²⁷Hajar Gadah, Hesmôn, Bet Phelet,

²⁸Hajar Sual, Beerseba, Bijiôthiah,

²⁹Baalah, Iim, Ejem,

³⁰Elthôlat, Kesil, Hôrmah,

³¹Jiklak, Matmanah, Sansanah,

³²Lebaôt, Silhim, Ain mơ Rimmôn: jơh ală la bàr jơt sin nơm ƀòn dờng bal mơ ală ƀòn dềt bol gơ dê.

³³Tòm tiah jơng mơnơm gơs: Esthaôl, Jôrah, Asnah,

³⁴Janôah, En Gannim, Thappuah, Enam,

³⁵Jarmut, Adulam, Sôkôh, Ajekah,

³⁶Saaraim, Adethaim, Gederah, hala Gederôthaim: jơt poan nơm ƀòn dờng bal mơ ală ƀòn dềt bol gơ dê.

³⁷Jenan, Hadasah, Mikdalgat,

³⁸Dilan, Mispa, Jôktheel,

³⁹Lakis, Bôskat, Eglôn,

⁴⁰Kapbôn, Lamam, Kitlis,

⁴¹Gederôt, Bet Dagôn, Naamah, mơ Makedah: jơt prau nơm ƀòn dờng bal mơ ală ƀòn dềt bol gơ dê.

⁴²Lipna, Ether, Asan,

⁴³Ipthah, Asnah, Nejip,

⁴⁴Keilah, Akjip, mơ Maresa: sin nơm ƀòn dờng bal mơ ală ƀòn dềt bol gơ dê.

⁴⁵Ekrôn bal mơ ală tiah jơnum làng bol ơm gùt dar mơ ală ƀòn dềt bol gơ dê;

⁴⁶Bơh Ekrôn tus hơ dàlềng rềp mơ Asdôt bal mơ ală ƀòn dềt gơ dê.

⁴⁷Asdôt, mơ ală ƀòn dờng gơ dê bal mơ ală ƀòn dềt gơ dê, Gaja bal mơ ală ƀòn dờng mơ ală ƀòn dềt gơ dê, tus hơ croh dà Ejiptơ mơ rò gah Dàlềng Dờng.

⁴⁸Hơđang tiah lơgar kơh mơnơm gơs: Samir, Jathir, Sôkôh,

⁴⁹Danah, Kiriat Sannah, (hơ̆ la Debir),

⁵⁰Anap, Ethemôh, Anim,

⁵¹Gôsen, Hôlôn, Gilôh: jơl dùl nơm ƀòn dờng bal mơ ală ƀòn dềt bol gơ dê.

⁵²Arap, Duma, Esan,

⁵³Janim, Bet Thappuah, Aphekah,

⁵⁴Humtah, Kiriat Arba (hơ̆ la Hebrôn), mơ Jiôr: sin nơm ƀòn dờng bal mơ ală ƀòn dềt bol gơ dê.

⁵⁵Maôn, Karmel, Jip, Jutah,

⁵⁶Getreel, Jôkdeam, Sanôah,

⁵⁷Kain, Gibeah, mơ Thimna: jơt nơm ƀòn dờng bal mơ ală ƀòn dềt gơ dê.

⁵⁸Halhul, Bet Jur, Gedôr,

⁵⁹Maarat, Bet Anôt, mơ Elthekôn: prau nơm ƀòn dờng bal mơ ală ƀòn dềt bol gơ dê.

⁶⁰Kiriat Baal (hơ̆ la Kiriat Jearim), mơ Rabah: Bàr nơm ƀòn dờng bal mơ ală ƀòn dềt bol gơ dê.

⁶¹Tòm ƀlàng ngềt ngơt gơs Bet Arabah, Midin, Sekakah,

⁶²Nipsan, Ƀòn Dờng Boh mơ Engedi: prau nơm ƀòn dờng bal mơ ală ƀòn dềt bol gơ dê.

⁶³Làng bol Juda ò rgơi ting bơtrơh làng bol Jebusit ơm tòm Jerusalem, gen tàng làng bol Jebusit gam ơm tềng hơ̆ mơ làng bol Juda jơl tus di ngai do.