Read koho I Timôthe 1 Bible Online

I Timôthe 1 - koho bible

I Timôthe 1

¹Pol la cau gơnoar bơto dờng bơh Yàng Krist Jesu, jat gơnoar sồr Yàng Tom Trồ dê la Yàng Dong Klàs bol he, mơ Yàng Krist Jesu dê la bơta gơn kơnòm bol he dê,

²pơyoa Timôthe in la kòn tòm añ jê tòm bơta dòn: Dan mê in geh bơta nđàc, bơta nđàc sơngit mơ bơta lơngap lơngai bơh Yàng Tom Trồ la Bèp, mơ bơh Yàng Krist Jesu la Yàng bol he dê!

³Be lài òr tòm tŭ añ rơp lòt hơ Masedoan, gen añ neh bơto tơngkah mê pal ơm tòm Ephesô nàng bơto kràñ cê ală cau ne, sồr bol khai bañ bơto bơta bơto sồr lơi ndai,

⁴đơs tĕ bol khai in bañ iat ală jơnau gơlềng gơlàng mơ ală jơnau jòi yau jat jơi ò lồi, la ală jơnau lơh gơlik bơta tòm pơndang bal mơya ò kwơ tòm broă at bồ hìu Yàng Tom Trồ dê tòm bơta dòn.

⁵Tơnggume bơta bơto kràñ cê hơ̆ la bơta kòñ gơboh bơh nùs sàng goh, nùs tồr niam mơ bơta dòn song ngan.

⁶Gơs dô êt nă cau neh pơrlơ̆ sang ală bơta hơ̆, mơ gơwèt hơ ală jơnau roh lơm;

⁷bol khai kòñ lơh gơs cau bơto bơta boh lam bulah ò git wă jơnau bol khai đơs hala bơta bol khai lơh nền.

⁸Bol he git bơta boh lam la niam, dilah cau lơi ngui dô bă song jat gơ,

⁹kung git bơta boh lam ò di geh bơtào cau song ring in, mơya geh bơtào ală cau ò jat bơta boh lam mơ cau tòmdră in, cau ò duh rngòt mơ cau glài, cau ò sàng goh mơ cau jat dunnia, cau tơnchơt mè bèp mơ cau tơnchơt cau in,

¹⁰cau rềs àr bơrnàn, cau dri tơlàr cau klau mơ cau klau, cau kơñau kòn mơnus, cau đơs blac, cau srat blac in, hala bơta lơi ndai tìs mơ bơta bơto sồr song ngan,

¹¹jat be Jơnau Niam gơklŏ Yàng Tom Trồ dê la Bơtau pal jòng ro neh jào añ in.

¹²Añ ưnngài Krist Jesu la Yàng bol he dê, Bơtau neh ai bơtơl pràn añ in, bơh Kơnràñ neh sơwì nền añ la cau dòn song, bơtào añ lơh gơnoar broă do;

¹³bulah lài òr añ la cau tràl sơrbil, kup kơryan, jàñ bơsak, mơya añ neh geh Yàng kòñ nđàc, tài bơh añ neh lơh ală bơta hơ̆ tòm tŭ añ gam bơrngơl gơla òhềt dòn.

¹⁴Mơ bơta nđàc Yàng bol he dê neh tơngkah tơngkañ oă ngan bal mơ bơta dòn mơ bơta kòñ gơboh tòm Yàng Krist Jesu.

¹⁵Yàng Krist Jesu neh tus tòm dunnia nàng dong klàs cau glài, hơ̆ la jơnau nền cê ngan pal dòn dòp wil tơl; tòm ală cau glài hơ̆ añ la cau glài kơnjơ̆ rlau jơh.

¹⁶Mơya añ neh geh Yàng kòñ nđàc, tồ Yàng Krist Jesu in yal tơlik bơta kong ơt wil tơl Kơnràñ dê tòm añ la cau glài kơnjơ̆ rlau jơh, nàng lơh krơh ală cau in rơp dòn Kơnràñ tồ geh bơta kis gam sùm sùm.

¹⁷Dan Bơtau gam sùm sùm, ò tŭ lơi chơt, he ò rgơi gŏ, hơ̆ la Yàng Tom Trồ mìng dô nă lơm, geh bơta màng ryŭ, gơklŏ sùm sùm ò lồi. Amen.

¹⁸Ơ Timôthe kòn añ, jat be jơnau gơnoar hwơr neh sơnio bơh mê lài òr, añ cèng jơnau bơto kràñ cê do jào mê in, tồ mê in kơnòm di jơnau hơ̆ nàng tòmlơh bơta tòmlơh khin cha,

¹⁹prap kơ̆ bơta dòn mơ nùs tồr niam. Gơs dô êt cau tài bơh neh sang lòi nùs tồr hơ̆, gen tàng bơta dòn bol khai dê neh gơkram rau;

²⁰tòm mpồl bol hơ̆ gơs Himene mơ Aleksandria, añ neh phi bol khai cà Satan in rau, tồ bol khai in kong lơh glài mơ bơtê git bañ đơs tràl sơrbil di Yàng Tom Trồ.