Read koho I Jang 1 Bible Online

I Jang 1 - koho bible

I Jang 1

¹Jơnau bol hi cih oh mi in la jơnau bơta kis la bơta neh gơs bơh sơnròp, la bơta bol hi neh kơno, mat bol hi neh gŏ, bơta bol hi neh sền, mơ tê bol hi neh ƀư, bơh Jơnau bơta kis,

²bơta kis hơ̆ neh geh ràng tơlik, bol hi neh gŏ mơ lơh cơng, bol hi bơto yal oh mi in bơta kis gam sùm sùm neh ơm bal mơ Yàng Bèp mơ neh geh ràng tơlik bol hi in rau,

³bol hi ai bơta neh gŏ, neh kơno, mơ bơto yal oh mi in, tồ oh mi in kung geh gơtòmklac bal mơ bol hi sơl. Bol hi geh gơtòmklac bal mơ Yàng Bèp, mơ Kòn Kơnràñ la Yàng Jesu Krist.

⁴Bol hi cih ală bơta do nàng bơta hòn chò bol he dê geh wil tơl.

⁵Do la jơnau bơto yal mơ bol hi neh kơno bơh di Kơnràñ mơ yal wơl oh mi in lah Yàng Tom Trồ la bơta àng, tòm Kơnràñ ò gơs bơta klam jơngo lơi.

⁶Dilah bol he đơs lah he geh gơtòmklac bal mơ Kơnràñ, mơ gam lòt tòm bơta klam jơngo, hơ̆ la bol he đơs blac mơ ò lơh lòt jat jơnau song.

⁷Mơya dilah bol he lòt tòm bơta àng kung be Kơnràñ ơm tòm bơta àng, gen bol he gơs gơtòmklac bal mơ gơp; mơ mhàm Yàng Jesu dê, Kòn Kơnràñ, rào goh jơh ală tồi glài bol he dê.

⁸Dilah bol he đơs lah he ò gơs glài dô êt lơi, hơ̆ la bol he pơrlồm is să he, mơ jơnau song ò ơm tòm bol he.

⁹Dilah bol he yal glài he dê, gen Kơnràñ la Bơtau lơh jat jơnau ho Kơnràñ dê mơ la Bơtau song ring rơp toh glài bol he in, mơ rào bol he in goh jơh ală bơta ò song ring.

¹⁰Dilah bol he đơs lah he ò tìs glài, hơ̆ la bol he sền Kơnràñ be cau đơs blac, mơ jơnau Kơnràñ dê ò ơm tòm bol he.