Read koho III Jang 1 Bible Online

III Jang 1 - koho bible

III Jang 1

¹Jang, Kwang kra pơyoa Gaius in la cau añ kòñ gơboh jơh nùs.

²Ơ bi kòñ gơboh, añ hòi dan bi in geh tơngguh tòm jơh ală bơta, geh pràn kơldang đah poac să kung be neh geh tơngguh đah hwềng bi dê sơl.

³Bơh añ hòn chò ngan tòm tŭ gơs ală cau tòm oh mi lòt tus mơ lơh cơng bơh bơta dòn song mơ jơnau song ơm tòm bi, be bi neh kis tòm jơnau song.

⁴Añ kơno ală kòn añ kis tòm jơnau song, gen ò gơs bơta hòn chò lơi rlau tai añ in.

⁵Ơ bi kòñ gơboh, bi lơh broă lơi kung dòn song gơwèt mơ ală oh mi, bulah la cau nac crih.

⁶Bol khai neh lơh cơng bơh bơta kòñ gơboh bi dê di đap Hìu Jum Goh. Kơp kòñ bi dong kòl dô bă di pal mơ broă Yàng Tom Trồ dê tòm bơta lòt gùng bol khai dê, hơ̆ la niam ngan.

⁷Hơ̆ la tài bơh sơnđan Yàng mơ bol khai lik lòt, mơ ò dòp leng phan lơi bơh cau bơdìh.

⁸Bol he kung pal dong kòl ală cau behơ̆ sơl, tồ bol he mơ bol khai lơh broă bal tòm jơnau song.

⁹Añ neh cih dô êt jơnau Hìu Jum Goh in rau, mơya Diôtrep la cau kòñ lơh gơs cau lam bồ bol khai, gen ò bài dòp gơnoar añ jê.

¹⁰Gen tàng dilah añ lòt tus, añ rơp yal ală broă khai lơh, la ai jơnau iơh bơsak mơ sòdră di bol hi. Bơta hơ̆ òhềt hừh nùs khai sơl, să tòm khai ò bài wă rò ală cau dòn Yàng, ai cau lơi kòñ wă rò gen khai kơryan, mơ bơtrơh tơlik bol khai bơh di Hìu Jum Goh.

¹¹Ơ bi kòñ gơboh, bañ đòm jat bơta iơh bơsak, mơya đòm jat tĕ bơta niam. Cau lơi lơh bơta niam la bal mơ Yàng Tom Trồ; ai cau lơi lơh bơta iơh bơsak, gen ò tŭ lơi gŏ Yàng Tom Trồ.

¹²Jơh tơl nă cau lơh cơng niam bơh Demetrius, mơ să tòm jơnau song kung lơh cơng sơl; bol hi kung lơh cơng bơh khai, mơ git jơnau lơh cơng bol hi dê la song.

¹³Añ gam gơs oă bơta kòñ cih bi in, mơya ò kòñ cih mơ gai cih mơ dà cih.

¹⁴Añ kơp kòñ mhar tìp mat bi mơ bol he rơp tòm mat tòmbơhbơr bal.

¹⁵Dan bơta lơngap lơngai ơm bal mơ bi. Ală cau bơyô còp să bi. Còp să tĕ ală cau bơyô jat sơnđan kòp nă cau dê.