Read koorete 2Qorontoosaxituse 4 Bible Online

2Qorontoosaxituse 4 - koorete bible

2Qorontoosaxituse 4

¹Yoonase Wontoy be modhetena ha hanta nu hantoronike e mato gisha gobbo bursuwanxhiko.

²Axi aasshi addaa kessuwa borsuse abako hantuwanxhiko hidiko nu hidese. Axeni qaarusuwanxhiko. Wonto katowafa shati etti doomusuwanxhiko. Yeysi mahekofa aade fetto tiddhiyannako nu ohe. Wonto buro yesine axi uddi be muxhurowanna <<Ha usi modheko>> hidi hiyorosa numba matiko axaara nu yese.

³Nu oto modhe odoy haliya fashuttesesa e maaddhako e fashuttesesi baaneesitusuko.

⁴Ye aadexuwa geriti Kristosa kuxa fuula adduse modhe odo fo'e u beyoroome ha sahase wonto maaqe Humbayey gaxe u keenguwannike matiko e yese. Kristosay Wonto bisha beysesako.

⁵Nuni ohesi Yesuusi Kristosay Laaxe maaqesaara nunini Yesuusame hissine e maalita maaddhi hinuse hantesa nu maaddhosa baaka nu gisha ohuwanxhiko.

⁶Afani sahani be meddho wogga <<Cenchaaka fo'ey faquwaye!>> hidi hida Wontoko nu muxhurowa fo'e gadda. Ye fo'eni Kristosa aafushaafa faqe Wonto kuxa fuula nu eroronikeko e mahe.

⁷Hatte uddime afana maaqe osay Wontose baaka nuuse e maaquwannike e eruttorosa ye kuxuttese abako hade sahaafa meddhutta miijheke maaddhese nuuka aytiko nu yese.

⁸Se badefa ha badefa maddhay nu gara elli deexhakoni numba muulli usheshi baasso. Laga woggaa nu buro e baane, hidakoni nu gobbo bursuwanxhiko.

⁹Iilaxiti nuu waayye u beyse, hidakoni numba maresa dheeddi eruwanxhiko. Oxxhi nuu u olle, hidakoni hay'uwanxhiko.

¹⁰Yesuusa yesoy nu acho gara addeyorosa uddi woggaaka Yesuusa haybo nu acho gara iddiko sekke hanke nu hante.

¹¹Yesuusa yesoy hay'e nu achona e addeyorosa hidi hissineko hatte yese nuni uddi woggaa Yesuusame nu hisune haybo danowa aandi ellusesi nu gara e yoone.

¹²Yoonase nuni haybo danowaka aandi ellusessaa yesune hinuni yesuwakako hi yese.

¹³Fissharowaka <<Ta aadesso, ye e gishako ta ohe>> yeydi e diizuttonike nu aadexoronike mahe Ayaana nu keenge gishako nu aadexe, ye e gishani nu ohe.

¹⁴Laaxi Yesuusa haybowafa densa Wontoy numbani hinumbani Yesuusaara wolko densi be buroni e uqusenike erako nu ere.

¹⁵Yeenxhi uddi hinumba go'esuko e maaddho. Ye ogenako Wonto kuxa fuulay aatti Wontose galata uquseesiti lagorosa Wontoy axuse keenge maxo modhetey gardesesuna laga axituse e elloronike e maaqe.

¹⁶Yoonase gobbo bursuwanxhiko. Fetto bente nu achoy baasine hangesa maaddhakoni bentuwa nu oonuntey wontana wontanako killoongisine e hange.

¹⁷Ye esini shawukaara woggasaara maaqe nu maddhay esa ellesi baa danda'uttuwa koolo makkina yese kuxako nuuse e inge.

¹⁸Bente abakoy woggase maaqusune bentuwasimay koolo makkinase e maaqe gisha nu maxo e gara nu gadesi nu aafey beewasi garako baaka nu aafey beenesi gara maaquwasso.