Read koorete 1Yohanisey 5 Bible Online

1Yohanisey 5 - koorete bible

1Yohanisey 5

¹Yesuusay Mesihe maaqenike aadeko hidi hineesiti uddina Wontokofa yeluttasitako. Yella adeni eeta axi uddi e yello yeleni eehako e eehe.

²Wonto nayshe ni eehenike esuna ni eresi Wonto ni eehusuniyara e woosso ni hantusuniyarako.

³Wonto eehe hidi hiyoy e woosso hanteko. Wontokofa yeluttasiti uddi ha saha u iiche gisha e woosso hanteni maddhunxesa maaquwasso. Ha saha esuna ni iicheshi ni aadexonako.

⁵Yesuusay Wonto yele maaqenike aadexesawo baaka oonewa ha saha iicheshi?

⁶Waaxunaara suuxunaara yoodasi Yesuusi Kristosako. E yoodosini waaxunaara suuxunaara baasa waaxunawo maaquwasso. Ayaana Geeshi aade be maaqe gisha ha esi aade maaqenikeko e ateyne.

⁷Ha e gisha haydzi atoko yesa.

⁸Ye usini Ayaana Geeshe, waaxe, suuxe hidi hiyoko. Ye haydzuse u atoy bidzi nuunawoko.

⁹Axi ato efako ni ekke. Fetto Wonto atoni axusume garoko e gare. Ye Wonto atoy be yele gisha e ateydosako.

¹⁰Wonto yele aadexeesiti uddi be muxhurowa ato keemako u keenge. Ooneni Wonto aadexuwasiti uddi Wontoy be yelese indo ato be aadesso baa gisha Wonto zaadaxe matiko u yese.

¹¹Wonto atoni niise koolo makkina yeso e indosako. Ye yesoni yesesi e yele badenako.

¹²Wonto yele aadesasi yesoko e keenge, Wonto yele aadesso baasi yeso keenguwasso.

¹³Wonto yele aadexe hinuse ha esa uddi esume ta diizesi koolo makkina yeso hi keengesa hi erorosako.

¹⁴Wonto maxoke aba e maaqo'ayketeseni ni shidhako e siinenike eezo keenguwanxhiko.

¹⁵<<Wontoy siitako siine>> hidi ni hido geede haga shi'isine ni shi'e abako uddina ni ekkenike erako ni ere.

¹⁶Bidzi axi ooneni indo na'e indo busho haybose aandi ellusuwa cubbo e hantusune beeta'ayko e gisha shi'uwayte! Wontoni haybose aandi ellusuwa cubbo hanta axuse yeso ingako e inge. Feday assi haybose aandi elluse cubboy yesako e yese. Ye e bisha cubbo hanteesuse shi'uwayte hidi tani hiwwasso.

¹⁷Dooma hantay be uddina cubboko, maaquwaye baaka haybose aandi ellusuwa cubboy yesako e yese.

¹⁸Wontokofa yeluttasi be uddina cubbo hantisine e yesuwannike erako ni ere. Ye esini Wonto yele Yesuusay kakke gisha iita maaqe Humbayey esa doluwasso.

¹⁹Nuni Wontose maaqenikiyara nimba baasa ha sahay be uddina iita maaqe Humbaye adeto oomo yesenikiyara erako ni ere.

²⁰Wonto yeley yoodonikiyara aade maaqe esa ni erorosa gaxe niise e indonikiyara erako ni ere. E yele Yesuusi Kristosaara bidzo ni maadhosuna adiyaara bidzo maaddhiko ni yese. Aade <<Wonto>> hidi hiyutte Wontowara koolo makkina yesowaray Kristosako.

²¹Nayshito! Wonto maaquwasita Wonto mati kuxekofa hinumba naddhi kakkuwayte.