Read koorete 3Yohanisey 1 Bible Online

3Yohanisey 1 - koorete bible

3Yohanisey 1

¹Cima mateso tani aadenawo ta eehe nuundo na'i Gaayoosese ha woosso ta anxe.

²Nuundo na'e! Ne muxhuroy modhe maxo gara yesenikewo zeerey uddi neese gizoronikiyara neese modhe ne yesoronikiyara Wonto neese shi'oko ta shi'e.

³Bidzi bidzi indo na'axhiti yenafa yoodi aade ne aytesenikiyara aade hantisine esuna ne yesenikiyara ne gisha otine siidiko ta maddo.

⁴Ta nayshi aade hantisine esuna u yesesa siidi ta maggeesume garsi feday tamba maggusesi baasso.

⁵Nuundo na'e! Indo nayshushe fetto borsa maaddhi handaasituse ne hante hantana uddi bidzi muxhurona hantiyako ne yese.

⁶Eehana ne hanto modhete gisha Wonto zawaxiti buroko nashiya u yese. Hatteni neekofa kessi u hangusune Wonto magguse ogena uso ne mardessako modheko.

⁷Kristosa sunxume hissine hangisine aadexuwasiti garafa abani efese worgutto baasso.

⁸Aadese hantese shahaxe ni maaqoronike ha e bisha mokkeko nimba e worguse.

⁹Ha esume buro bidzi woosso Wonto zawaxituse diizziko ta yecha. Maaqe baasa afana maaga maaqese worge Diyotrofeesey ta maxo efe e inxhadho.

¹⁰Ha e gisha hinuko ta hamoroniyako waysi iita nuunana nu sunxe e baysosa aba e hantosa uddina uddiyadeko ta zeere. E hantiya yese hantay ye esawoni maaquwasso. Yeyna hange indo na'axhita fetto beese mokke inxhadhakoni fediti mokkuwannikeko tucci mokkeesitani Wonto zawa axiti giddaafa gooddiyaka e yese.

¹¹Nuundo na'e! Modhe bishuwa baaka iita bishofuna. Modhe hanta hantesi Wontokofako. Iita hantesimay Wonto eruwasso.

¹²Dimexhrose uddi axitini maaqqe aadeni beese esa nashako nashe, nunini assi nashako nashe. Nu zeere zeerey aade maaqenike erako ne ere.

¹³Neese ta diize laga abakoy yechoyne ha essaaka e uddina neese diizese wordo baasso.

¹⁴Ukkeko nemba ta beyeydi hiyaka ta yese gisha yenniyako deemona wola muti ni zeere.

¹⁵Yoonase modhena yesuwa! Neyndo na'axhitini <<Sawa ne yese?>> hidiko nemba u sawuse. Nenini ye niindo na'axhituko u bidzi bidzise nu sawo ohuwa.