Read kumam 1 Iyutun 4 Bible Online

1 Iyutun 4 - kumam bible

1 Iyutun 4

¹Magi en ikwae ka Yuda: Peresi, Karami, Kur, Sobal.

²Sobal en oudo papa me Reaya, di Reaya oko bedo papa me Yakat, di Yakat oko bedo papa me Akumai kede Lakad, gin joakwari ka jo kame bin bedo Sora.

³Kur en oudo obedo awobi adwong i yi toto gi Epurat, dako ka Kaleb. Ikwae mege en kame bin ocako bomba me Betelem. Kur oudo tie kede awobe adek: Etam, Penuel, kede Eser. Awobe ka Etam bin gin ige: Jeserel, Isima, Idibas; amin gi oudo nyinge Kaselelponi. Penuel en kabin ocako bomba me Gedor, kede Eser oko cako bomba me Kusa.

⁵Asikur ngat kabin ocako bomba me Tekoa oudo tie kede mon are: Kela kede Nara.

⁶En bin eko nywalo kede Nara awobe ongwon: Akusam, Keper, Temeni, kede Kakastari.

⁷Asur oko nywalo kede Kela awobe adek: Seret, Isikar, kede Etenan.

⁸Kos en oudo obedo papa me Anub kede Sobeba; en oudo ebedo kwaru me jo me ude koyai kikom Akarkel wot ka Karum.

⁹Oudo tie icuo moro anyinge Yabes; en oudo kowore i tur gi kalamo imiegu mege. Toto mere oudo ocako ne nying nono be Yabes[3] pien nywale oudo obedo nywal me lito.

¹⁰Do Yabes oko lego but Rubanga me Isirael be, “Okwe Rubanga, mia winyo di iko nyano ikor na. Bed tie keda di iko gwoka ki gikareco dedede kame twero kelo na lito.” Di Rubanga oko mine gikame ekwao.

¹¹Kaleb, omin me Suka oko nywalo wode anyinge Mekir. Mekir en oudo papa me Esiton.

¹²Esiton oko nywalo awobe adek: Beterapa, Pasea, kede Tekina. Tekina en bin oko cako bomba me Nakas. Ikwae ka jonogi bin bedo Reka.

¹³Kenas oudo tie kede awobe are: Otiniel kede Seraya. Otiniel da oudo tie kede awobe are: Katat kede Meonotai.

¹⁴Meonotai oko nywalo Opura. Seraya en oudo papa me Joab, ngat kocako Gekarasim.[4]

¹⁵Kaleb wot ka Jepune oudo tie kede awobe adek: Iru, Ela, kede Naam. Ela en oudo obedo papa me Kenas.

¹⁶Yekalelel oudo tie kede awobe ongwon: Sip, Sipika, Tiria, kede Asarel.

¹⁷Esera oudo tie kede awobe ongwon: Yeter, Mered, Eper, kede Yalon. Mered bin oko nyomo Bitia, nyar ka abaka me Misiri, di kiko nywalo nyako anyinge Miriamu, kede awobe are: Samai kede Isiba. Isiba en kabin oko cako bomba me Esitemoa. Mered da bin oko nyomo dako me ekeko ka Yuda, di kiko nywalo awobe adek: Yered, ngat kocako bomba me Gedor; Keber, ngat kocako bomba me Soko; kede Yekutiel, ngat kocako bomba me Sanoa.

¹⁹Kodia bin onyomo amin me Nakam. Ikwae gi en kame bin oko bedo acakini me jo Garam kame bin bedo i bomba me Keila, kede jo Makati kame bin bedo i bomba me Esitemoa.

²⁰Simon bin tie kede awobe ongwon: Aminon, Rina, Benkanan, kede Tilon. Isi oudo tie kede awobe are: Soket kede Bensoket.

²¹Sela oudo obedo ngat acel kikom awobe ka Yuda. Ikwae mege oudo ige: Er, ngat kocako bomba me Leka; Lada, ngat kocako bomba me Maresa; ude me jo kame bin kuo igoen atar liamaliam, gin jo kame bin bedo i bomba me Bet Asibea;

²²Yokim kede jo kame bin bedo i bomba me Koseba; kede Yowasi kede Sarap, jo kame bin onyomo mon me Moab di kiko donyo bedo Betelem. (Magonogi obedo kope kasek.)

²³Gin oudo kibedo jocwei agune kame tio ne abaka, oudo kibedo i bomban me Netaim kede Gedera.

²⁴Simeon oudo tie kede awobe kany: Nemuel, Yamin, Yarib, Seera, kede Saul.

²⁵Salum en oudo obedo wot ka Saul, Mibisam en oudo wot ka Salum, kede Misima en oudo obedo wot ka Mibisam.

²⁶Cako kibut Misima nywal oko lubere kaman: Kamuel, di Sakur, di Simei.

²⁷Simei oudo tie kede awobe tomon kiwie kanyape kede anyira kanyape, do joawade mege oudo tie kede idwe anonok, omio jo me ekeko ka Simeon likame oko nyai bala jo me ekeko ka Yuda.

²⁸Gin oudo kibedo i bomban me Beereseba, Molada, Kasar Sual,

²⁹Bilika, Esem, Tolad,

³⁰Betuel, Koroma, Sikilag,

³¹Bet Markabot, Kasarsusim, Betbiri, kede Saraim.

³²Oudo kibedo da i bomban me Etam, Ain, Rimon, Token, kede Asan,

³³kede i calere koluko gi, paka tuno i bomba me Baal. Magonogi en oudo kabedo gi. Gin oudo kiko bedo gwoko wapere me nying joakwari.

³⁴Magi en nying jo kame oudo obedo jotel me ude apapat i diere gin: Mesobab, Yamlek, Yosa wot ka Amasia,

³⁵Yoweri, Yeku wot ka Yosibia, en wot ka Seraya, en wot ka Asiel,

³⁶Elioenai, Yaakoba, Yesokaya, Asaya, Adiel, Yesimiel, Benaya,

³⁷Siisa wot ka Sipi, wot ka Alon, wot ka Yedaya, wot ka Simiri, wot ka Semaya.

³⁸Jo me ude nogi bin oko nyai

³⁹di kiko sarakin paka noko Gedor, di kiko donyo kwano romini gi i bad tetu kide me aditot kame bomba nono tie iye.

⁴⁰Gin kiudo lum alibaliba kunono, doko lobo nono oudo lac, eling di etie kede anapakin. Jo koudo ocako bedo kunono oudo obedo jo ka Kam.

⁴¹I kare ka Abaka Esekia me Yuda, jo kame nying gi tie malo go oko ot Gedor di kiko dudubo iemai kede kimere me jo koudo bedo kunono. Gin kiko riamo jo nogo tenge di kiko donyo bedo kanono atwal, pien lum me kwano gi oudo tie kunono.

⁴²Jo ace tol kany (500) me ekeko ka Simeon oko ot Edom, di Pelatia, Nearia, Repaya, kede Usiel, gin awobe ka Isi, en koudo telo gi.

⁴³Ki kunono gin kiko neneko donge me jo Amalek koudo obwot, di gin kiko donyo bedo kunono tuno tin.