Read kumam 1 Iyutun 7 Bible Online

1 Iyutun 7 - kumam bible

1 Iyutun 7

¹Isakar bin tie kede awobe ongwon: Tola, Pua, Yasub, kede Simiron.

²Tola oudo tie kede awobe kanyape: Usi, Repaya, Jeriel, Yamai, Ibisam, kede Semuel. Gin oudo kibedo jotel me miere me ikwae ka Tola, doko da gin oudo kibedo isirikalen atek yi twatwal i kare gin. I kare ka Abaka Daudi wel me ikwae gi oudo tie tutumia ot are kiwie are kede tol kanyape (22,600).

³Usi oudo tie kede awobi acel, manono en Isirakia. Isirakia oudo tie kede awobe ongwon: Emikairi, Obadia, Yoweri, Isia; gin dedede jo kany oudo kibedo jotel me miere.

⁴Oudo gin kitie kede mon atot twatwal kede idwe, omio ikwae gi oko twero cweno ekodet me isirikalen aromo tutumia ot adek kiwie kanyape (36,000).

⁵Ka kolubo nying joakwari, jo dedede kowok ki miere me jo me ekeko ka Isakar oudo tie iye cuo atwero yi tutumia ot kanyauni kiwie kanyaare (87,000).

⁶Benjamin oudo tie kede awobe adek: Bela, Beker, kede Yediael.

⁷Bela oudo tie kede awobe kany: Esibon, Usi, Usiel, Yerimot, kede Iri. Gin dedede jo kany oudo kibedo jotel me miere, doko da oudo kibedo jo yi atek. Ikwae gin oudo tie iye cuo atwero yi tutumia ot are kiwie are kede ot adek kiwie ongwon (22,034).

⁸Beker oudo tie kede awobe kanyangon: Semira, Yowasi, Elieser, Elioenai, Omiri, Yeremot, Abija, Anatot, kede Alemet.

⁹Wel gin ikwae me ot nono, jo kame oudo obedo jotel me miere doko di kitwero ot yi, oudo tie tutumia ot are kede tol are (20,200).

¹⁰Yediael oudo tie kede awobi acel, en Bilkan. Bilkan oudo tie kede awobe kanyaare: Yeus, Benjamin, Ekud, Kenana, Setan, Tarusi, kede Akisakar.

¹¹Gin dedede oudo kibedo jotel me miere, doko da oudo kibedo jo yi atek. Ikwae gi oudo tie iye jo tutumia tomon kiwie kanyaare kede tol are (17,200) atwero yi.

¹²Supim kede Kupim oudo obedo awobe ka Ir, Kusim oudo obedo wot ka Aker.

¹³Naputali oudo tie kede awobe ongwon: Yakasiel, Guni, Yeser, kede Salum, gin ikwae ka Bilika.

¹⁴Manase bin onywalo awobe are kede dako me Aram kalikame oudo enyomo, gin en Asiriel kede Makir. Makir en oudo obedo papa me Gilead.

¹⁵Makir bin oko udo ne Kupim dako, kede ne Supim da. Nying amin mere oudo Maka. Nying wot ka Makir me are oudo obedo Selopekad, en oudo enywalo anyira kenekene.

¹⁶Maka, dako ka Makir, bin oko nywalo awobe are: Peres kede Seresi. Peres oudo tie kede awobe are: Ulam kede Rakem,

¹⁷Ulam oudo tie kede awobi anyinge Bedan. Magonogi en bin obedo awobe ka Gilead wot ka Makir, wot ka Manase.

¹⁸Amin me Gilead anyinge Kamoleket oudo tie kede awobe adek: Isod, Abieser, Makala.

¹⁹(Semida oudo tie kede awobe ongwon: Akian, Sekem, Likiki, kede Aniam.)

²⁰Magi en ikwae ka Epuraimu cako kibut wode ot anyim kede epone kame kilubere kede: Sutela, Bered, Takat, Eleada, Takat,

²¹Sabad, Sutela. Epuraimu oudo tie kede awobe ace are medo i kom Sutela, gin en Eser kede Elead, gin bin koko neko gi i kabedo kame kioto iye kwalo dok kibut jo kobedo anywali me Gat.

²²Papa gi Epuraimu oko bin koko gi pi ceng atot, di joawade mege oko ot dino cunye.

²³Epuraimu bobo oko buto kede dako mere, di eko yac di eko nywalo atin awobi. Gin kiko cako nyinge Beria,[5] pi peko koudo opoto i paco gi.

²⁴Epuraimu oudo tie kede nyare kame nyinge Seera. Nyare nono oko gero bomban me Bet Koron Amalo kede Apiny, kede Usen Seera.

²⁵Epuraimu doko oudo tie kede awobi anyinge Repa. Ikwae ka Repa gin ige: Resep wode, di Tela, di Takan,

²⁶di Ladan, di Amikud, di Elisama,

²⁷di Nun, di Yosua.

²⁸Adul me lobo kame gin kitero di kiko donyo bedo iye oudo ribo Betel kede bomban me ngete, ape ape tuno Naran i bad tetu kide, kede i bad tetu tim oudo etuno Geser kede bomban me ngete. Oudo eribo da bomban me Sekem kede Aya, kede bomban me nget gi.

²⁹Ikwae ka Manase oudo lo bomban me Bet San, Tanak, Megido, kede Dor, kede bomban me nget gi. Magonogi dedede en kabedere kakame ikwae ka Yosepu wot ka Yakobo bin bedo iye.

³⁰Aser bin tie kede awobe ongwon: Imina, Isiba, Isibi, kede Beria; oudo etie da kede nyako acel anyinge Sera.

³¹Beria oudo tie kede awobe are: Keber kede Malakiel. (Malakiel en kocako bomba me Birisait.)

³²Keber oudo tie kede awobe adek: Yapulet, Somer, kede Kotam; kede nyako acel anyinge Sua.

³³Yapulet da oudo tie kede awobe adek: Pasak, Bimikal, kede Asibat.

³⁴Omin mere kanyinge Somer oudo tie kede awobe adek: Rokega, Yekuba, kede Aram.

³⁵Omin mere kanyinge Kotam oudo tie kede awobe ongwon: Sopa, Imina, Seles, kede Amal.

³⁶Ikwae ka Sopa gin oudo Sua, Kareneper, Sual, Beri, Imira,

³⁷Beser, Kod, Sama, Silisa, Itiran, kede Beera.

³⁸Ikwae ka Yeter gin en Jepune, Pisipa, kede Ara;

³⁹ikwae ka Ula gin oudo Arak, Kaniel, kede Risia.

⁴⁰Magonogi dedede oudo obedo ikwae ka Aser. Gin oudo kibedo jotel me ude apapat, doko da oudo kibedo jo yi atek. Ikwae ka Aser oudo tie iye cuo tutumia ot are kiwie kanyape (26,000) kame twero ot i yi.