Read kumam 1 Iyutun 9 Bible Online

1 Iyutun 9 - kumam bible

1 Iyutun 9

¹Jo dedede me Isirael bin kowandiko nying gi di lubere kede joakwari gi, di oko rwako ngec i kom gi i Itabu me Itatam kamako Abakai me Isirael. Bin oko mako jo me Yuda di oko tero gi Babilon bala mabus, pien oudo likame kibedo jo agenere but Rubanga.

²Jo me agege oko cako dwogo bedo i bomban atie i lobo gi amako gi oudo ribo jo me Isirael, josaseredoti, Jolebi, kede jotic me tempulo.

³Jo me ikekon ka Yuda, Benjamin, Epuraimu, kede Manase oko ot bedo Yerusalem.

⁴Jo me ekeko ka Yuda kame oudo bedo Yerusalem oudo tie miere tol kanyape kede ot kanyangon (690). Ikwae ka wot ka Yuda anyinge Peresi oudo Utai en kame telo. Utai oudo obedo wot ka Amikud, akwar Omiri. Omiri oudo obedo wot ka Imiri, wot ka Bani. Ikwae ka Sela wot ka Yuda oudo Asaya en kame telo, en oudo da ebedo ngatel me diakal mere. Ikwae ka Seera wot ka Yuda oudo Yekuel en kame telo.

⁷Jo me ekeko ka Benjamin kame oudo bedo Yerusalem gin ige: Salu wot ka Mesulam, wot ka Kodabia, wot ka Kasenua.

⁸Ibenia wot ka Yerokam; Ela wot ka Usi, wot ka Mikiri; kede Mesulam wot ka Sepatia, wot ka Reuel, wot ka Ibinija.

⁹Oudo tie miere tol kanyangon kede ot kany kiwie kanyape (956) me jo me ekeko noni kame bedo kunono. Jo dedede kame nying gi tie malo go oudo obedo jotel me miere.

¹⁰Josaseredoti kame oudo bedo Yerusalem gin ige: Yedaya, Yekoyarib, Yakin,

¹¹kede Asaria wot ka Kilikia, wot ka Mesulam, wot ka Sadoki, wot ka Merayot, wot ka Akitub; Asaria nono en kame oudo obedo ngat kame lo tempulo.

¹²Ace oudo obedo: Adaya wot ka Yerokam, wot ka Pasikur, wot ka Malikija, wot ka Maasai, wot ka Adiel, wot ka Yakesera, wot ka Mesulam, wot ka Mesilemit, wot ka Imer.

¹³Josaseredoti kame oudo telo miere oudo tie tutumia acel kede tol kanyaare kede ot kanyape (1,760). Gin oudo kitie jo kipirana i kom tice dedede kame kotimo i tempulo.

¹⁴Jolebi koudo bedo Yerusalem gin ige: Semaya wot ka Kasub, wot ka Asirikam, wot ka Kasabia, wot ka Merari;

¹⁵kede Bakabakar, Keres, Galal, kede Matania wot ka Mika, wot ka Sikiri, wot ka Asap;

¹⁶kede Obadia wot ka Semaya, wot ka Galal, wot ka Yedutun; kede Berekia wot ka Asa, wot ka Elikana, kame oudo bedo i calo me Netopa.

¹⁷Jo kame oudo daro erute di kibedo Yerusalem gin ige: Salum, Akub, Talemon, kede Akiman. Salum en kame oudo telo gi.

¹⁸Pi kare alac gin oudo kibedo jodar me Erute me Abaka koudo tie i bad tetu kide. Do i kare acen joakwari gi en koudo obedo jodar me erute adonyo i kimere me Jolebi.

¹⁹Salum wot ka Kore, wot ka Kora, karacel kede jo ace me ot ka Kora, oudo tic gi en daro ekeko adonyo i Eema ka Rwot, bala kame joakwari gi oudo lo kede kabedo me kimere ka Rwot.

²⁰Pinekasi wot ka Eleasar en kame oudo lo gi i kare me agege; Rwot oudo tie kede en.

²¹Sakaria wot ka Meselemia oudo da obedo ngadar me ekeko adonyo i Eema ka Rwot.

²²Jo dedede kame oudo koyero pi daro ikekon kede irutei oudo tie tol are kede tomon kiwie are (212). Oudo kowandiko nying gi di kowapo joakwari kede calo kame ngat acelacel owok kiye. Abaka Daudi kede enabi Samuel en koudo oketo joakwari gi i wang tice nogi.

²³Gin kede ikwae gi kiko meede daro irutei me tempulo.

²⁴Jodongo me jodar oudo tie i irutei me bad dedede, i bad tetu malo, piny, kide, kede tim.

²⁵Jodar nogo oudo joawade gi kame bedo i calere en kame konyo gi, di kileere alea ingei ceng kanyaare me dar.

²⁶Jo ongwon koudo obedo jodongo me jodar irutei oudo obedo Jolebi; gin oudo da kitie joloc me agolai me tempulo kede jamini dedede kame tie i tempulo.

²⁷Gin oudo kibedo i nget tempulo, pien tic gin oudo obedo dare kede yabo irutei mege buli odiko.

²⁸Jolebi ace oudo tie joloc me jamini kame kotio kede gi i esawa me woro Rubanga. Gin oudo tic gi obedo maro jamini nogo i esawa me kelo gi kede me dwoko gi.

²⁹Apat mege oudo lo komini kede imesai, kede jamini kacil, kede da alos, bwini, mo me olibeti, odok angwe kur, kede abisalin apapat amio cam ngwe kur.

³⁰Do twer me nyanyalo abisalin nogo oudo tie i cing josaseredoti.

³¹Ngalebi kanyinge Matitia, awobi kao ka Salum, dano me ot ka Kora, en kame oudo lo tic me tedo mugati me giayala.

³²Jo me ot ka Kokat en koudo tic gi obedo tedo mugati kacil[6] me tempulo buli ceng Sabato.

³³Miere mogo me Jolebi oudo joe gi obedo jower me tempulo. Jotel me miere nogo oudo bedo i gedo mogo me tempulo, doko da oudo likame kopoko negi tic moro ace apat, pien gin oudo kitio iceng kede iwor.

³⁴Jo kame nying gi tie malo go oudo obedo jotel me miere me Jolebi, di lubere kede ude ka joakwari gi; jotel nogi bin bedo Yerusalem.

³⁵Yeyel en kame bin ocako bomba me Gibeon di eko donyo bedo iye. Nying dako mere oudo Maka.

³⁶Awobi mere kao oudo nyinge Abidon; awobe mege ace oudo obedo Suur, Kis, Baal, Ner, Nadab,

³⁷Gedor, Akio, Sakaria, kede Mikilot,

³⁸en papa me Simea. Ikwae gin bin bedo Yerusalem i nget jo ace kobedo joawade gi me ot nono.

³⁹Ner en oudo obedo papa me Kis, di Kis en oko bedo papa me Saulo. Saulo oudo tie kede awobe ongwon: Jonasan, Malikisua, Abinadab, kede Esibaal.

⁴⁰Jonasan en oudo obedo papa me Meribaal, papa me Mikaa.

⁴¹Mikaa oudo tie kede awobe ongwon: Piton, Melek, Tarea kede Akas.

⁴²Akas oudo obedo papa me Yara, di Yara oko nywalo awobe adek: Alemet, Asimabet, kede Simiri. Simiri en oudo obedo papa me Mosa,

⁴³Mosa en oudo obedo papa me Binea, Binea oudo obedo papa me Repaya, Repaya oudo obedo papa me Eleasa, Eleasa en oudo obedo papa me Asel.

⁴⁴Asel oudo tie kede awobe kanyape: Asirikam, Bokeru, Isimael, Searia, Obadia, kede Aanan.