Read kumam Sabuli 1 Bible Online

Sabuli 1 - kumam bible

Sabuli 1

¹Kitie kede yomcuny jo kalikame gamo tam me jo areco, arabo kalikame lubo yongayo kame jodubo lubo, arabo kalikame bedo kede joacae;

²do kibedo kede yomcuny i lubo iswil ka Rwot, di kiparo kop mere i cuny gi i yore atut iceng kede iwor.

³Gin kical bala yen kame kopito osamai, kame nyak i kare kikokome, doko pote gi likame ner. Gi dedede kame jo nogo timo ngetakin kiber.

⁴Do jo areco likame tie kamanono; gin kical bala cucung kame yamo buko tenge.

⁵Pi mano, likame jo areco bino bwot ki ngolo kop, doko da likame jodubo bino ribere i kom jo kopoore,

⁶pien Rwot gwoko jo opoore i yongayo gi, do yongayo kame jo areco lubo tero gi i to.