Read kumam Sabuli 113 Bible Online

Sabuli 113 - kumam bible

Sabuli 113

¹Pakunu Rwot! Okwe wun jotic ka Rwot, pakenu; pakunu nying Rwot.

²Pakunu nying Rwot cako nataman tuno ikar kede ikar.

³Cako wok ceng tuno i donyo mere poore bed pako nying Rwot.

⁴Dwongo ka Rwot kalamo atekerin dedede, deyo mere da kalamo malo.

⁵Ngai kame cal bala Rwot Rubanga wa, ngat kame bedo i kabedo me malo,

⁶ngat kame gungo pi neno malo kede lobo?

⁷En ekwanyo jocan ki can gi, doko en ekwanyo ki oduru jo kame piny oloo di eko tingo gi malo,

⁸emio gi kibedo karacel kede jopug, kibedo karacel kede jopug me jo mege.

⁹En emio dako adonge bedo kede paco, en emie idwe di eko bedo kede yomcuny. Pakunu Rwot!