Read kumam Sabuli 124 Bible Online

Sabuli 124 - kumam bible

Sabuli 124

¹Poore jo me Isirael nan wac be, “Ka koto oudo likame Rwot tie kede wa,

²ka koto oudo likame Rwot tie kede wa, i kare kame jokwor wa osuro wa kede,

³oudo koto jokwor wa omwonyo wa di okuo, kakame gero gi otwarun kede i kom wa;

⁴di do koto alele oko molo wa, pii adipere mol koto omwonyo wa;

⁵koto pii obeo i kom wa, pii kame kokomar.”

⁶Pak bed but Rwot, ngat kalikame omio wa but gi bala le me amwoda.

⁷Wan obwot bala winyo, winyo kobwot ki owic me ngadwar; owic ococotun di do nan wan oko bwot.

⁸Kony wan wok kibut Rwot, ngat kocweo malo kede piny.