Read kumam Sabuli 129 Bible Online

Sabuli 129 - kumam bible

Sabuli 129

¹Poore Isirael wac be, “Gin kibedo tidilo ango nakanaka cako di ango pwodi atitidi.

²Gin kibedo tidilo ango nakanaka cako di ango pwodi atitidi, do akadi kamanono da, gin likame pwodi kibwona.

³Alama kame ebela gi orwarwao i ngea bocoboco, ineno bala bot kame ecuka opuro.”

⁴Rwot obedo ngat kopoore, en etieko cocoto tol kame jo areco oudo otwea kede.

⁵Miero mi lewic mak jo dedede kame dagi Sion, di oko dwoko wi gi cen.

⁶Kibed bala lum kame tui i wi ude, lum kame ner di kiko tuo di likame pwodi kidongo,

⁷lum kame ngat atie nyaro lum nyaro likame pongo cinge, kede ngat kame twetweo da gwaro likame pongo kore.

⁸Jo kame beo kanono da likame twero waco be, “Winyo kame Rwot mio bed i komu! Wan okwao ne wu winyo i nying Rwot!”