Read kumam Sabuli 138 Bible Online

Sabuli 138 - kumam bible

Sabuli 138

¹Ango ami pwoc kede cunya lung, Okwe Rwot; ango awero wer me paki i nyim rubangan.

²Ango aluro piny tetu tempulo nin kacil di ako mini pwoc pi amara nin kalikame lokere kede pi genere nin; pien in itieko nyuto be nyingi kede kop nin kalamo gi dedede.

³I ceng kame ango alwongere kede, in iko gamo doga, di iko medo na teko.

⁴Abakai dedede me wi lobo bino paki, Okwe Rwot, pien gin kitieko winyo kop me dogi.

⁵Gin kibino wero wer amako gikame Rwot otimo, pien deyo ka Rwot dwong.

⁶Pien akadi bed bala Rwot dwong, do en eparo pi jo kalikame pirgi tek; do joewaka en engeo gi cuto ki kakabor.

⁷Akadi di ango abei i diere me peko, in igwoka ki gero me jokwor na; in irieo badi, di cingi me twer ko laka.

⁸Rwot bino cobo iik mere pira; amara nin kalikame lokere bedo nakanaka, Okwe Rwot. Kur ijal tic kame cingi otimo.