Read kumam Sabuli 139 Bible Online

Sabuli 139 - kumam bible

Sabuli 139

¹Okwe Rwot, in itieko ngingico ango di iko ngena.

²In ingeo ka ango abedo piny kede ka acungo malo; in iniang tam nango akadi di atie kakabor.

³In ingica ka atie ot kede kame atie buto, doko ingeo kiber tice nango dedede.

⁴Akadi di pwodi likame leba oyamo kop moro, Okwe Rwot, udo in itieko ngeno kop nono atwal atwala.

⁵In icela diere, ki cen ngea kede ki nyima, di iko keto cingi i koma pi gwoka.

⁶Akodi ngec nin me aura nono kalamo niang nango; etie ngec amalo twatwal, omio likame ango atwero niang iye.

⁷Atwero ot tuai pi pwono ni? Arabo aring tenge tuai ki wangi?

⁸Ka ango aoto i malo, udo in itie kuno; akadi ka ango apeto kabuto na i kabedo me jo oto, doko udo in itie kuno.

⁹Ka ango apor aoto tetu wok ceng, arabo ka atuno i ajikini me nam tetu poto ceng,

¹⁰akadi ki kuno da cingi bino tela, doko cingi me twer bino lida.

¹¹Ka awaco be, “Colpiny bin uma, kede lero kame oluka dok cal bala iwor,”

¹²akadi colpiny da likame col kibuti; iwor ler alera bala iceng, pien colpiny cal acala kede lero kibuti.

¹³Pien in en kame icweo adulion dedede me koma, in icwea i yi toto na.

¹⁴Ango apaki pien in icwea iepone kame kelo lworo kede iepone me aura. Tice nin obedo me aura. Ango angeo manoni kiber.

¹⁵Cogere nango oudo likame opwono ki wangi kakame oudo kotie cwena kede i mung, di kotie cwena kede diru i dud lobo kakatut.

¹⁶Wangin oudo oneno koma di likame pwodi kocwea da. Oudo kowandiko i itabu nin ceng dedede me kuo na di likame pwodi gin kituno da.

¹⁷Niang tam nin tin tek na benyo, Okwe Rubanga! Kitot kibuta tin benyo!

¹⁸Ka atamo maro gi, kitot kalamo asinge; ka ango acei, udo pwodi atie kede in.

¹⁹Ango oudo amito be koto ineko jo areco, Okwe Rubanga, di jo kame maro onyo remo me jo ko bino rwenyo kibuta,

²⁰gin jo kame yamo kope areco i komi, di kitingere yamo nyingi kirac.

²¹Okwe Rwot, mam ango likame amito jo kame dagi? Mam cunya dagi jo kame tie kede jemo buti?

²²Adagi gi kede cunya lung; atero gi bala jokwor na.

²³Ngingico ango, Okwe Rubanga, iko ngeno cunya; kong tama iko ngeno tam na.

²⁴Nen ka tim arac moro tie i kuo na, iko tela i yongayo kame in i iiko pi ikar kede ikar.