Read kumam Sabuli 14 Bible Online

Sabuli 14 - kumam bible

Sabuli 14

¹Jomingo waco i cuny gi be, “Rubanga li.” Gin kitie kede cuny arac, kitimo gikame neno rac; likame tie ngatamoro kame timo gikame ber.

²Rwot ngio jo ki malo pi neno ka tie ngatamoro ariek, ngat kame woro Rubanga.

³Gin dedede kitieko parao, gin dedede kidubere; likame tie ngatamoro kame timo gikame ber, likame tie akadi acel.

⁴Mam gin likame kitie kede ngec moro, gin jo kame timo gikareco, jo kame camo jo na bala kwon di likame kilego buta?

⁵Gin kibino bedo kede lworo adwong, pien Rubanga tie karacel kede jo kopoore.

⁶Wun inyerunu iik me jocan, do Rwot en ngat kame gin kiringo gwokere bute.

⁷Okwe koto alako me Isirael owok ki Sion! I kare kame Rwot dwoko kede winyo me jo mege, ikwae ka Yakobo bino ilel; jo me Isirael cuny gi bino bedo yom.