Read kumam Sabuli 146 Bible Online

Sabuli 146 - kumam bible

Sabuli 146

¹Pakunu Rwot! Pak Rwot, Okwe in kuo na!

²Abino pako Rwot tek di pwodi ango atie akuo; abino wero were me pako Rubanga na pi kare me kuo na lung.

³Kur iketunu gen wu i kom jotel me piny, i kom jo ajoa kalikame karuno konyo wu.

⁴Kame wei gi ojik, gin kidok i lobo; ceng nono di iik gi da jik.

⁵Kitie kede yomcuny gin jo kame kony gi wok kibut Rubanga ka Yakobo, jo kame gen gi tie i kom Rwot Rubanga gi,

⁶ngat kocweo malo kede piny, nam kede gi dedede kame tie iye. En egenere nakanaka;

⁷doko engolo kop kakare ne jo kame kotero kirac; en emio jo kame kec oneko cam. Rwot gonyo jo kame kotweo i otkol;

⁸Rwot yabo wang imuduka. Rwot kiarao jo kame cuny gi odoko goro; Rwot maro jo kopoore.

⁹Rwot gwoko jokumbor; en egango idwe kic kede apuserun, do etotolo iik me jo areco.

¹⁰Rwot bino pug nakanaka. Rubanga nin, Okwe Sion, bino pug pi kare lung. Pakunu Rwot!