Read kumam Sabuli 15 Bible Online

Sabuli 15 - kumam bible

Sabuli 15

¹Rwot, ngai en kame poore bedo i tempulo nin? Ngai en kame poore bedo i Sion, moru nin kacil?

²Gin en jo kame li kede raco moro i kuo gi, doko kitimo gikame poore, kiyamo kop me ateni kame tie i cuny gi;

³gin jo kalikame dubo nying jo, gin likame kitimo raco ne jowot gi, doko likame kitie kede acae but jokio gi.

⁴Gin kineno jo areco kede acae, do kimio wor but jo kame lworo Rwot. Gin likame kiloko tam gi ki gikame kitieko kwongere iye akadi di elit negi.

⁵Gin kikopo sente but jo abongo mito ameda moro iye, doko likame kiyei kowilo gi pi mino ijura me abe i kom dano kame li kede raco. Ngat kame timo gigo likame tie gikame bino yango kuo mere.