Read kumam Sabuli 16 Bible Online

Sabuli 16 - kumam bible

Sabuli 16

¹Okwe Rubanga, gwoka, pien in en kagwok na.

²Ango awaco ne Rwot be, “In en Rwot na; bero kame ango atie kede dedede wok kibuti.”

³Do jokacil kame tie i lobo nono, gin en jo me awora. Cuny ango yom i kom gin adikinicel.

⁴Jo kame yero rubanga apat medo cwercuny gi ameda. Ango likame abino onyo negi remo bala giayala arabo lwongo nying gi.

⁵Rwot en obedo iner nango; in imia gikame mitere na; anyim nango tie i cingi.

⁶In imia gikame yomo cunya; in imia gikame ber.

⁷Apako Rwot ngat kame mia tam; iwor da cunya pwonya.

⁸Tam nango tie i kom Rwot nakanaka; piento en etie i bada tetu cam, likame tie gikame bino yango tam na.

⁹Pi mano, ango cunya yom doko alelo; atie da kede anapakin.

¹⁰Pien in likame ibino jala i kabedo me jo oto, arabo weko dano nin kame geni donyo i kabedo me jo oto.

¹¹In inyuto nango yongayo kame tero jo i kuo. I nyimi tie iye ilel adwong twatwal; i ngeti tetu cam tie iye yomcuny ikar kede ikar.