Read kumam Sabuli 2 Bible Online

Sabuli 2 - kumam bible

Sabuli 2

¹Pinyo komio atekerin timo iik me jemo? Pinyo komio jo poro kop kame kony mere li?

²Abakai me wi lobo otieko cungo kiteere, jopug mege tie poro kop karacel i kom Rwot kede i kom dano mere kame en eyero, di kiwaco be,

³“Ogonyerenu ki twec gin kede okounu dagi apugan gi.”

⁴Ngat kame bedo i kom mere me ajakanut i malo tie nyero gi anyera; Rwot tie kede nyero me acae i kom gi.

⁵En ebino yamo kede gi kede lilo, eko mino gi lworo pi gero mere, di ewaco be,

⁶“Ango atieko keto abaka na i Sion, i wi moru na kacil.”

⁷Abaka waco be, “Abino waco kop kame Rwot omio. En ewaco na be, ‘In en woda; tin ango adoko papa ni.

⁸Kwaa di ako bino mino atekerin dedede i cingi, kede wi lobo lung ko bino doko meri.

⁹In ibino nyonyoto gi kede ebela me lilim, di iko ngingido gi ngidingid bala agulu.’ ”

¹⁰Nan do pi mano, wun abakai bedunu di iriekunu; wun jopug me wi lobo winyunu ikwenyar noni.

¹¹Tiunu ne Rwot kede lworo;

¹²lurunu i nyime kede mielkom; aso ka li, ebino doko ger di ikounu to susunyo, pien udo lilo obunyo make. Kitie kede winyo jo dedede kame ringo ot gwokere bute.