Read kumam Sabuli 26 Bible Online

Sabuli 26 - kumam bible

Sabuli 26

¹Okwe Rwot, gonya abed abongo raco moro, pien ango abedo timo gikame ber, doko ageni nakanaka abongo riangere.

²Ngingico ango, Rwot, iko tama; tam cunya kede tam na da.

³Pien amara ni kalikame lokere likame bino rwenyo na, doko abino bedo kede gen buti.

⁴Likame ango abedo kede jo kame kony gi li, akadi ribere kede joecuke da.

⁵Ango adagi upere kede jo kame timo tim areco, doko da likame abino bedo karacel kede jo areco.

⁶Alwoko gira cinga pi nyuto be ango ali kede raco moro di ako donyo ririmo alutari ni pi wori, Okwe Rwot,

⁷di awero kede dwan amalo wer me pwoni, kede di awaco ne jo tice ni dedede me aura.

⁸Okwe Rwot, ango amaro ot kame in ibedo iye, kede da kakame deyo ni tie iye.

⁹Kur imuducaro ango karacel kede jodubo, doko da kur imuducaro kuo na karacel kede jonek,

¹⁰jo kame otieko iikere nakanaka pi timo tim areco, kede kame cing gi opong kede sente me cemusana.

¹¹Do ango gira atimo gikame ber; bed kede kisa buta iko laka.

¹²Tiena tie cungo piny kakoporere, abino pako Rwot i dier jo kocokere.