Read kumam Sabuli 3 Bible Online

Sabuli 3 - kumam bible

Sabuli 3

¹ Okwe Rwot, jokwor na tin tot benyo! Jo atot tie bwangun i koma.

²Jo atot tie waco na be, “Rubanga likame bino konyi.”

³Do Rwot, in ibedo ebuku kame gwoko koma lung, in ikelo na deyo, in en ngat kame mio nwangcuny.

⁴Ango akok but Rwot kede dwan amalo, di en eko gamo kwac na ki wi moru mere kacil.

⁵Ango abuto ako nino, doko ako cei pien Rwot gwoka.

⁶Ango likame atie kede lworo i kom jo tutumia tomon, jo kame oluka pi yi keda.

⁷Yai, Okwe Rwot! Laka, Okwe Rubanga na! Pien in itwero bungo jokwor na; itwero kwanyo teko me jo areco.

⁸Rwot en kame mio jo bwot; emi jo mege winyo!