Read kumam Sabuli 48 Bible Online

Sabuli 48 - kumam bible

Sabuli 48

¹Rwot dwong, doko epoore me apaka twatwal i bomba ka Rubanga wa, en moru mere kacil.

²Sion moru ka Rubanga, bomba kame tie kakawiriwir tetu malo, cungo idelelei di ecil; en eyomo cuny jo me piny lung, en kabedo me abaka adwong.

³I yie kakame koluko kede apama atek, Rubanga otieko nyuto be en ebedo ngagwok atek.

⁴Abakai oudo ocokere, gin kicokere karacel pi suro bomba nono.

⁵Cucuto di kinene, kiko bedo kede ur, lworo oko mako gi kiko ringo.

⁶Kom gi ogeo miel ki kanono kede aramo acal bala me dako atie ramere me nywal,

⁷ineno bala yamo me tetu kide kame tie puno emeri me Tarusi.

⁸Kite kame oudo wan otieko winyo kede gikame Rubanga otimo, nan da otieko neno kede wang wa gi nono i bomba ka Rwot me jo yi, bomba kame Rubanga otieko cibo pi ikar kede ikar.

⁹Wan otamo kop i kom amara nin kalikame lokere, Okwe Rubanga, di otie i tempulo nin.

¹⁰Bala kame nyingi iruo kede i wi lobo lung, Okwe Rubanga, kamanono da jo paki i wi lobo lung. Twer nin opong kede alako;

¹¹miero jo me Sion bed kede yomcuny, miero jo kame tie i bomba me Yuda leli, pi kite kame in ingolo kede kop kakare.

¹²Mamanunu Sion, rimarunu en, marunu wel me gedo mege kame boco malo;

¹³ngingicunu kiber apama mege atek; bebeunu i kagwokere kame kogero iye, tetekeny isobolunu waco ne lwak me kare me anyim be,

¹⁴“Rubanga noni en Rubanga wa pi ikar kede ikar; ebino telo wa nakanaka.”